惡搞 !! 出師表廣東話版

我著十號

出師表廣東話版
惡搞 !! 出師表廣東話版


你伯爺出黎行，半路就去咗賣鹹鴨蛋，睇個勢，依家個地盤分成三嚿，益州睇黎都係保唔住嘅嘞，以後個世道睇黎都幾難崖。但係你伯爺留低班細慨都好忠心，班懵柄出去劈友連命都唔要，呢D都係睇在你老豆以前俾錢又俾女的份上，現家想報答返你啫。

嗱，阿叔我現家就只係想你醒醒定定，搞掂你老豆嘅遺願，等D兄弟都有得威;千祈唔好將自己當成一嚿叉燒，辜負左班手足。

家嚇班兄弟都係自己友嚟，想鬧邊個摑邊個，都要公平;唔俾心機做野嘅，成日係度搞三搞四嘅，同埋份人忠忠直直嘅，就交俾保衛科，應該斬手既斬手，應該升職嘅就升職，甘樣就表現到你對大家都係公平嘅，你千其唔好幫埋一邊，對大家大細超。



郭仔、費仔、董仔，份人都好老實，做野好週到，你爺伯在世個時就特別睇得起佢地，臨死前叫佢地好好幫扶你，阿叔我話齋，會裏面大大細細嘅 事情都可以交俾佢地;你個個懵柄向叔，人好好，亦都好生猛，劈得玩得，你伯爺都話佢“掂”，你得就提拔一下，我覺得收陀地劈友嘅事就交俾佢，一定可以搞大 我地個地盤，以後就冇人敢惹我地架嘞。

我地舊陣時個會點解開始甘勁呢，就係因為一直收埋D老實人，趕走D呃飲呃食既，後黎點解會搞到甘衰，就係因為身邊剩番班口噏噏當秘笈 嘅廢人，你伯爺以前次次同我傾計，講起呢單野都赤赤痛。侍中、尚書、長史、參軍，呢幾條友都係阿叔我斬過雞頭嘅好兄弟，你一定要信佢地，我地會重振雄風之 日就指意曬你嘞!

阿叔本來就係個耕田佬，係南陽都有番幾嚿田，在呢個人隊人既時代，我不想隊人，只係想唔俾人隊。

你伯爺唔嫌棄我，三日唔埋兩日就走去我屋企，問我點搞好個會，阿叔我就感激到標曬馬尿，甘就跟左你老豆啦。 後黎我地會同操爺個會開片，衰左，阿叔我撐住成個會，到現家都廿幾年羅。

你伯爺知道阿叔我醒目，所以賣鹹鴨蛋之前就將大事都交托曬俾我，自從換左你做阿頭之後，我就日日失眠，擔心辜負左大佬嘅心意，所以五月個 時就帶住班手兄開船過河，去個個山K啦嘅地方，搞掂曬所有應該搞定嘅野。依家南邊無人再敢搞三搞四，我地班靚又人強馬壯，應該好好地俾班手足疏弗下。然後 再將中原打番番黎，將個D冇本心嘅二五仔通通做低曬，將我地個D忠字頭嘅都扶番起身。咁樣我就算對得你伯爺住啦。至於要點搞，冧橋呢D甘嘅野就要靠攸之、 祎仔、允仔佢地嘞。

呢一次阿叔我就係去劈班契弟，劈唔成嘅話你話點就點。如果搞唔掂個會，你就去搵攸之、祎仔、允仔，我就唔信個班野敢吃碗麵反碗底。阿仔 你都應該揾個時間好好地甘諗下你伯爺既話。甘你阿叔我就好欣慰啦。得啦得啦，時間到，去劈友啦，男人老狗，標曬馬尿甘，都唔知講左D乜野。

vol1210

不是吧

runrunscooter

看完了這麼強的文章，我想說點什麼，但是又不知道說什麼好，想來想去只想

[email protected]

要認真回覆，不然會沒有潛水值

kenneth_sweet

我該不會是最後一個頂的吧

skykingdom

回帖是種美德

michael.huang

好啊，，不錯、

Disy

希望大家都有好運

yan4327

讀10年書，不然看樓主一篇帖子

正義西門慶

昨晚多幾分鐘的準備，今天少幾小時的麻煩。