八方人物：紅爆網的社運少年香港既未來靠你地喇 [複製鏈接]

PHUN

Teenager I

Rank: 7 Rank: 7 Rank: 7

好友: 0
帖子: 4931
積分: 9751
最後登錄: 2018-7-28
在線時間: 0 小時

電梯直達

樓主

發表於 2012-5-19 15:04:37 |只看該作者 |倒序瀏覽

黃之鋒，學民思潮召集人，積極推動反對洗腦式國民教育，策動街站簽名遊行示威。近日，小夥子在遊行後對答如流的訪問短片，熱爆網絡。短短兩日，累積逾10萬點擊率，他的名字，登上雅虎搜尋網第二位。原來社運新星隻是一位15歲的中四生。由「食飯打機瞓覺讀書」的尋常90後，變身事事關心，隻因有一個不一樣的爸爸，自小帶著他四出探訪赤貧傢庭。不能獨善其身的小小思潮，孩童時代早已萌芽，且聽聽社運少年自白：
「我來自典型嘅中產傢庭，傢住海怡半島，讀直資學校，有個讀小三嘅細佬。爸爸係 IT專才，爸媽係港大校友。我自小生活無憂。但我好清楚，呢種幸福並非必然。因為自六、七歲開始，爸爸就帶我探訪赤貧傢庭。佢成日同我講，要關心社會上被遺棄嘅一群。
制度不當出問題
爸爸係虔誠基督徒，佢話，社會上有一啲人生活好困苦，我哋唔可以坐視不理。細個嗰時我會問，點解我嘅生活咁豐足，但好多人嘅生活就咁艱難？種子在我小學時已在心中，但一直無機會萌牙。
中三之前，我同好多中學生一樣，食飯打機瞓覺讀書。直至反高鐵運動、五區公投，引起我對社會議題嘅興趣。為咗同人喺網上火併，我開始搵好多書睇。中三嗰年對我嚟講好重要，我意識到包括好多社會問題，歸根究底，都係制度出咗問題。
知得越多，越希望改變，唔再甘心隻停留喺網上討論嘅狀態。上年五月，教育局推出國民教育嘅諮詢文件，社會上討論嘅氣氛毫不熱烈，但我同好多年紀相若嘅朋友都好關心。我覺得係時候站出來，走上街頭，學民思潮因而成立。由最初隻有十幾個人，到後來集結到其他學生組織，搞街站、籌組大型示威遊行，逐漸成型。
而爸媽亦由擔心到後來好放心。因為佢哋知道，我唔係人雲亦雲。有網民話黃之鋒嘅父母，應以佢個仔為榮，我唔知媽咪係咪真係可以我為榮，但我希望，將來我可以為我自己所做嘅事感到自豪。」
記者：呂麗嬋
來源:http://hk.apple.nextmedia.com/news/art/20120518/16348153