蛇叔：「功能多夠男人味」- Pantech VEGA Pop Up Note - [複製鏈接]

yennis88

Youth I

Rank: 4

好友: 0
帖子: 2614
積分: 5439
最後登錄: 2018-7-30
在線時間: 0 小時

電梯直達

樓主

發表於 2014-12-5 15:09:36 |只看該作者 |倒序瀏覽

近期水貨手機有幾抵玩，睇下 AU LGL24 僅售兩千頭就已經唔洗多講。不過，唔係每個人都可以為咗平唔要外表，想揀部「型仔」啲？近日場內返了 VEGA Pop Up Note，佢個樣成部 Note 3 咁，又有筆又有指紋，加上售價唔洗三千蚊，唔知好唔可用呢？（以下有更多資料。）

似金屬框 Note 3

蛇叔冇試 Pantech 新機都一段日子，但估唔到見返 VEGA Pop Up Note（下稱：IM-A920），又銀邊、又有長形 Home 鍵，第一眼感覺成部 Note 3 咁。不過，拿起就會立即察覺兩者分別，首先佢條銀邊框真係金屬製，手感紮實，又冇 Note 4 咁厚，加上機背凹凸紋設計，完全冇好膠、好玩具嘅感覺。

▲ 驟眼睇真係成部 Note 3 咁。

▲金屬邊框加凹凸紋機背，手感紮實又防滑，同 Note 相比感覺更男性向。

▲ 5.6 吋屏幕機身拿起都男士勉強可單手操作，女用家就可能要用雙手。
有筆、指紋玩

VEGA 手機向來功能多，但想唔到 IM-A920一部機就滿意晒筆及指紋兩個願意。先說支筆，佢唔似 Note 會收係下方，而係以彈弓方式藏係頂部，雖然支筆唔似 S Pen 有咁多功能，但機內都有記事本及截圖程式配合使用。至於指紋，用法都係透過掃動手指讀取指紋，蛇叔試過反應相當快，而且背鍵還可兼任接電話、自拍快門及進入 Secret 模式。

▲ 按下按鈕筆就會從頂部彈出。

▲ 拿出筆後就會彈出 V Pen 功能選單。

▲ 可用 V Note 寫下大字，但蛇叔寫字麻麻地…

▲ 於背鍵掃動手指就可讀取指紋。

▲ 背鍵除了指紋解鎖，還可用作接電話、自拍快門等功能。
有性能、有 4G、冇中文

IM-A920都算得上係高階手機，備有 5.6 吋 1080p 屏幕，搭載 Qualcomm Snapdragon 800 及 2GB RAM，於 Antutu 更可錄得 41,092 分，因此大家毋須為性能擔心，而且它預載 Android 4.4 及自家介面，操作極之順暢，但缺點是語言只有英文或韓文。此外，它可對應本地 4G LTE 網絡，跟機有兩顆 3,220mAh 電池可隨時替換，加上仲有埋電池充電器，一機兩電用一日絕對無難度。

▲ 搭載 Qualcomm Snapdragon 800 及 2GB RAM，性能跟現役貴價機差不多。

▲ 屏幕驟眼睇微微偏黃，但睇網頁白色都很亮白。

▲ 可使用本地 4G LTE 網絡，速度仲幾快添！

▲ 拍攝介面都有不少手動選項，由 ISO、曝光補償到白平衡都有。

▲ 比較意外係前置鏡頭都有手動模式，以後自拍就唔洗再拍測錯光變「黑面神」。

▲ 主鏡頭擁有 1,300 萬像素，雖然對焦反應唔錯，但相片放大唔算非常「Sharp」。

▲ 背蓋可拆出來換電插卡，電池擁有 3,220 mAh 容量。

▲ 跟來配件非常豐富，有兩粒電池、耳機、USB 線、火牛及電池充電器。
蛇叔：功能多夠男人味

VEGA Pop Up Note 雖然冇 2K 屏幕同防水，但有筆同指紋反而好玩實用，最重要係外形夠男人味，如果同是水貨機差幾百蚊我會揀佢都唔揀 LGL24，因為「太膠」實在唔係我杯茶。

售價：$2,880
查詢：吉之田（9142 1374）、MOKCHI（6388 2038）

Post by UNWIRE.HK.