「無plan」人生 順其自然 君如忽然好想做導演

心跳回憶

(綜合報道)(星島日報報道)計畫永遠趕不上變化，吳君如覺得人生就是如此的奇妙，好好計畫倒不如順其自然，她自己就不是一個有計畫的人，很多事都是忽發奇想，正如有天突然覺得自己好肥，在3個月內成功減了33磅，正如有天她突然覺得應該要有一個孩子，於是在6個月內成功懷孕，「我覺得腦子會主宰你的身體，當你好想好想要一樣嘢時，記住是真的好想好想，咁你最後都會得到。」
　　撰文：黃佩麗 攝影：譚志光
　　每逢新年，我們都會在戲院見到吳君如的身影，眾人嘻嘻哈哈的拍賀歲片，君如總是其中一隻鐵腳，今年君如再次自己打自己，分別有賀歲片《金雞sss》和《六福喜事》，其中在《六福喜事》，她飾演星級陪月員，對生仔方法甚有研究，她的造型更是參考《一代宗師》的宮二，變身搞笑版的宮三。君如的肢體動作一向大鳴大放，今次她在戲中滿口鄉音，原來是她自己所想，「年年都咁拍，都想加點新意。去年做清潔阿姐，是一個控制狂，一直覺得劇本應該是隨演員的演繹而生動，今次話就話係做陪月，但其實都會教人點生仔，我個女之前出生時，都有請陪月，她已經60歲，但個樣一啲都唔似，手法又純熟，所以我就照抄她的造型，加上賀歲片唔使化個好靚的妝，大家見到開開心心就得。」
　　【忽然搞新意】
　　想出為角色加點口音，原來是從她的中醫身上取得靈感，她笑說：「我覺得呢個角色講嘢一定要夾雜鄉音，而我睇開的上海女中醫，她次次同我講嘢我都唔明，就算她是講緊廣東話，仲以為自己講得好好，但其實無人聽得明，我每次聽都覺得好好笑，我本來搵 個上海老師教我，但佢的廣東話仲好過我，所以索性叫個中醫幫我照稿讀，她又肯幫我將劇本由頭讀一次，我錄起之後回家慢慢聽、慢慢背，背完之後仲問番個女中醫，我講得似唔似。其實帶有上海口音的廣東話，有啲似粗口，我在片場一講，大家都笑到狂標眼水，氣氛好開心。鄭中基和薛凱琪仲學我講嘢，嗰陣時就算拍完返到屋企，講嘢都會有口音，個女仲問我點解講嘢有啲怪怪哋。」
　　【忽然想生仔】
　　吳君如在戲中教人點生仔，戲如人生，戲劇手法固然有點誇張，但要生仔也不外乎在食的方面下手，身體健康，不煙不酒，而且夫妻之間要保持熱情，才會較易有小孩，不過她認為現實中有不少人很難成功懷孕，很多時都是被腦子控制了身體，「有啲人一直好想生，但一直生唔到，到佢放棄生BB改去領養，突然又會有咗。我有個朋友花了好多錢，看了不少醫生都是生唔到，她46歲了，都仍然無放棄，所以我都不時勸她放輕鬆，順其自然，夾硬去做而有咗，個小朋友生出嚟都會唔開心，小朋友是兩個人的愛情結晶品，應該要順其自然，而唔係夾硬要。而且當你真係好想好想好想要的時候，腦子會影響你的身體，自然就會容易懷孕。」她又以自己做例子，「40歲時突然好想有BB，但因為年紀所限，所以我畀6個月自己去試，如果6個月之後唔得就唔生，我試到第4個月就有了，所以覺得自己好幸運，你估個個月都失望的感覺好受咩！」
　　【忽然4字頭】
　　吳君如覺得人生很玄妙，事情永遠不會跟着計畫走，就算你想按計畫而行，現實往往就要和你玩遊戲，「細個時好恨拍拖，廿幾歲時想結婚生仔，因為我阿媽23歲時就生我，過咗30又唔係好想，人生就係咁，到你遇到一個想結婚的人，就係你事業的黃金期，為咗搏殺就要放棄一些事，一直做一直做，突然有日發現已經4字頭， 時又覺得人生應該乜都要有少少。我前幾日先諗，現在有一個小朋友都好，如果再多一個，我可能又變咗另一個人，女人生咗仔，賀爾蒙都會變，好多時都無mood工作。女人有母性，總會想照顧小朋友多啲，所以我而家有一個，既可發揮母性，又可兼顧事業，尤其個女上小學之後，和她之間會好似大人咁溝通，她細個時，我要出埠做嘢都要諗過度過，又會唔捨得，成日心掛掛，出埠拍戲只要有24小時空檔，我都要回香港見一見個女，而家會比較放心，仲可以帶佢一齊出trip去玩。」
　　不過講到會否讓女兒入行 吳君如指現在言之尚早，她會讓女兒自由發揮，在適當的時候指導她，不會刻意栽培她做明星，也不會刻意要她遠離娛樂圈。「我覺得做唔做呢行是睇你條命，我覺得佢唔似，如果她想會畀她做，不會話強烈反對。我和陳可辛都好pround of我們的工作，不覺得是辛苦，大家都是咁捱出 ，如果佢覺得辛苦做唔到就唔會做，個女以前都時時來片場探班，而家已經好少，片場又多人又逼，可能已經嚇怕了她。」
　　【忽然做幕後】
　　吳君如非常爽朗，講工作講女兒都可以滔滔不絕，但當提起年紀，每個女人的反應都是一樣：唔好提。「唔好講年紀，我覺得做人最重要是，在心態上保持童真，唔好畀人覺得你out，要時時保鮮自己，所以我鍾意和新人合作，吸收他們的青春氣息。」不過隨着年齡的遞增，吳君如總想在工作上嘗試更多，好似今年她就為《金雞sss》做監製，試試做幕後的滋味。「其實我唔係好大興趣做幕後，但有時在屋企聽陳可辛呻呢樣、呻 樣，成日話我們啲演員好麻煩，於是我又想試 ，我係佢身上偷咗唔少師，我一直覺得自己好幸運，好多人幫我，我唔知今次會唔會成功，但如果有好的結果，就會有下一次，其實我最都想試做導演，只是仍未有一個好想拍的故事。」
　　▲吳君如在《六福喜事》中，演一個陪月，還教人生仔秘訣。
　　▼吳君如如今有一個女兒，她笑言如果再多一個，可能會退下火綫，不想再工作。
　　▲吳君如的人生哲學是沒有計畫，隨遇而安，不要強求。
　　▲今年賀歲，君如夥拍志偉和黃百鳴大放笑彈。
　　▲張家輝與吳君如在《金雞sss》合作，有不少感情戲。
　　

我不是傻鴨

回個帖子支持一下！

24gold24

好啊，謝樓主

尊貴的基佬

原來是這樣

Gopper

我打不開，請問有設定許可權嗎

svcscgba

線上等線上等

^^SaＳａbb

一定要回貼，因為我是文明人哦

Essi

今天沒事來逛逛，看了一下，感覺相當的不錯。

juny0385

一樓的位置好啊.

hopakngai

先占個位置，記錄這個好帖子