蛇叔：「日系幼邊神機值得等待」- 速試 docomo AQUOS ZETA SH-01G - [複製鏈接]

黑仔bb

Teenager I

Rank: 7 Rank: 7 Rank: 7

好友: 0
帖子: 4904
積分: 9769
最後登錄: 2018-7-30
在線時間: 0 小時

電梯直達

樓主

發表於 2014-12-4 22:48:53 |只看該作者 |正序瀏覽

今年日本手機好多人都鍾意超幼邊的 SH-04F，但美中不足係無乜顏色選擇，而近日 NTT Docomo 2015 年春季首部新機 AQUOS ZETA SH-01G 剛剛抵港，它仿傚 SH-04F 幼邊框設計，唔知實際同 SH-04F 有咩差別呢？（以下有更多資料。）

多色揀、冇咁「墜手」

試玩 SH-01G 前，蛇叔就覺得佢同 SH-04F 好似冇乜分別，機身大細差唔多，感覺好似純粹多咗顏色選擇咁，直至拎起真機我就發現 SH-01G 冇 SH-04F 咁「墜手」，感覺有似冇入電咁，但奇怪係官網明明寫重了 5g，唯一解釋係機身平衡改良咗。其次，唔講唔知原來 SH-01G 屏幕微微大 0.1 吋即 5.5 吋，但長闊幾乎察覺不到改動，而且屏幕佔比例依舊為 81%，造工的確嚇人。至於外殼，今次會改用純色風格，雖然冇咗蛇叔最愛的「橙黑」，但新增的「珊瑚紅」及「青藍」感覺都唔錯，但膠感會重少少。

▲ 雖然 SH-01G 大細跟 SH-04F 差唔多，但拎起感覺冇之前咁「墜手」。

▲ 屏幕大了 0.1 吋，但邊框跟之前一樣咁薄。

▲ 機頂可插入 Nano SIM 及 Micro SD 記憶卡。

▲ 盒內只跟說明書及 1 條音效延長線。
光到刺眼打側微反白

SH-01G 使用 5.5 吋 1080p IGZO 屏幕，背光跟 SH-04F 同屬 PureLED 技術，特徵係超光，光到會覺得刺眼，顏色唔覺有特別偏色，只是睇網頁時蛇叔發現文字打側睇就會變成灰色，但這對正常角度收看冇任何影響。

▲ 屏幕冇特別偏色，但背光亮度非常誇張。

▲ 正面睇問題不大，但打側睇顏色會變淡少少，尤其係文字由黑色變成灰色。
多了「GR 認證」及 Hi-Res 音效

雖然 SH-01G 較遲推出，但其配置跟 SH-04F 大同少異，依舊搭載 Qualcomm Snapdragon 801 處理器、2GB RAM 及 32GB 儲存空間，性能不用擔心，而且機內亦搭載 Android 4.4.4 版本，操作都很順暢。至於改動，這次 SH-01G 雖維持 1,300 萬像素鏡頭，但它獲得 Ricoh 針對手機相機的「GR 認證」，而且新鏡頭亦改善鏡頭變形情況，籍此提升相片質素。其次，它還增設 Hi-Res 音效播放，支持 24bit / 192KHz FLAC 及 WAV 格式，令功能跟大廠手機睇齊。

▲ 搭載 Qualcomm Snapdragon 801 處理器及 2GB RAM，規格跟之前 SH-04F 相同，於 Antutu 錄得約 39,000 分。

▲ 此機可支持 4G LTE 網絡，並對應部分本地制式。

▲ 拍攝選項同之前 SH-04F 相同，設定及拍攝模式可任意改動。

▲ SH-01G 相機獲得「GR 認證」，從相片可以看到鏡頭廣角變形的確輕微，放大睇細節都很銳利，但雜訊就稍為多少少。

▲ 前鏡頭支援類似 Note 4 的 Wide 拍攝模式。

▲ 機上配備 210 萬素鏡頭，但試拍效果至於太過「滑」了吧….

▲SH-01G 新增 Hi-Res 音效播放，但蛇叔本身不懂音率，但插入 AKG K374 試聽發現推力不是相當強。

蛇叔：幼邊神機值得等待

雖然蛇叔偏愛橙黑 SH-04F，但無可否認 AQUOS ZETA SH-01G 條件係更吸引，尤其手感冇咁「墜手」，而且支持 Hi-Res 音效播放，啱晒鍾意聽歌嘅朋友。售價方面，首批價錢都一定較貴，想入手不妨可以等下，幸好佢今次冇出鮮紅、橙或綠色，如果唔係我都可能把持不住。

售價：$6,480
查詢：三禾電氣 (2374 0618 )