查看: 423|回復: 17

麥兜麥太講普選（四年前作品）：一啖苦笑 [複製鏈接]

tkrrv1984

Youth II

Rank: 6 Rank: 6

好友: 0
帖子: 4857
積分: 9621
最後登錄: 2018-7-23
在線時間: 0 小時

電梯直達

樓主

發表於 2014-10-24 13:28:44 |只看該作者 |正序瀏覽

網民提供，寫於2010年．

麥兜生日，麥太同佢出街食飯慶祝。麥兜想食自助餐，但麥太想食お任せ(omakase)。
〉呢個情況，叫做「社會撕裂」。

麥太拗唔過麥兜，搵咗間自助餐餐廳。點知入到去，侍應餐廳話未裝修好，下年先有自助餐食。
〉呢個情況，叫做「循序漸進」。

然後麥太就帶麥兜返屋企。為左獎勵麥兜咁聽話，晚餐由一碗白飯，變成兩碗白飯。
〉呢個情況，叫做「增加炆煮成份」

麥兜問點解冇得食自助餐，麥太就話喇：
〉「冇辦法，你阿爺唔俾。大個仔就可以食架喇！」

【十年後…】

麥兜又生日喇。麥太同佢出街食飯慶祝。麥兜想食自助餐，麥太想食お任せ。
〉呢個情況，叫做「社會撕裂」。

佢地又去返十年前嗰間餐廳。點知入到去，侍應餐廳話未裝修好，下年先有自助餐食。
〉呢個情況，叫做「循序漸進」。

今次，麥太再搵另一間餐廳。呢間餐廳標明有自助餐食，但入到去，原來餐牌上得「常餐」、「快餐」同「特餐」。
〉呢個情況，叫做「有商有量」。

麥兜好唔開心，話間餐廳呃人。麥太氹佢：
「不如食住先啦．」
麥兜唔肯食，麥太就開始鬧人喇：
「冇家教，讀咁多書都冇鬼用．」
麥兜問點解冇得食自助餐，麥太就話喇：
〉「其實《家規》第四十五條冇話可以食自助餐。當年我同你死鬼老竇結婚嗰陣，你有冇反對吖？」

好驚嘆，以上係四年前寫嘅．．．

2014-10-24 增閱版
麥太：「冇餸冇湯，白飯任裝」
麥兜：「吓，冇餸點食呀？」
旁人：「好耐好耐以前，有個小朋友太貪心，有飯都唔食，有一日，佢…死咗！」