為公義無悔坐牢 誓要煞住替補機制

萬歲爺

為公義無悔坐牢
誓要煞住替補機制

2012年03月22日


被判囚三周的學聯成員鄧建華（左）及陳倩瑩擔心，替補機制論壇案例成為政府收窄示威的藉口，期望上訴推翻判決。易仰民攝

【本報訊】陳倩瑩與鄧建華分別是學聯現任秘書長及代表會主席，示威時被警察抬走，去警署落口供是家常便飯。兩人才 20歲出頭，警察上門拘捕當天，較家裏的大人冷靜，只是沒想到在替補論壇叫口號竟換來三周牢獄監刑。他們誓言學運之火要燃燒下去，即使入獄也無怨無悔，「希望呢件事繼續發酵，煞得住替補機制」。
「起身啦，有差人搵你。」去年 9月 21日早上 7時，陳倩瑩被爸爸拍醒，還以為他開玩笑，「我話唔好玩啦，爸爸話真係㗎。」警察問陳倩瑩帶不帶頭套，她反唇相譏，「我光明正大，使乜笠頭套？」她冷靜梳洗出門，陳媽媽卻嚇壞了，問警察：「可唔可以俾佢食埋嘢先？可唔可以俾佢帶支水去？」

3.24繼續圍會展

她被捕後兩度在拘留所，初嘗「在囚」滋味，無助又故作鎮定。經此役，她有心理準備隨時坐牢，「拘留所係一個鐵籠，好似拍戲咁。如果打家劫舍放火，咁冇嘢好講。我要求佢撤回替補機制咋喎，咁都要坐，幾唔甘心。依家唔驚坐監，話唔定坐緊嘅時候會驚」。
審訊期半年，陳倩瑩最傷感不是官司纏身，而是輿論反應，「社會唔會同情你，反而話你暴力衝擊。點解公眾被煮到熟咗，都唔識反應？」其他社運人士接連被捕，低潮瀰漫社運圈，「好多朋友都覺得好灰。做嚟都冇用，香港人都唔 care（關心）」。
前天判刑後，陳倩瑩立即與學聯戰友說， 3月 24日紮營圍會展行動一定要繼續，「做得就預咗承擔後果，唔會後悔。希望市民關注政治檢控，否則以後嘅案只會判得越來越重，好似大陸咁」。
替補機制論壇衝突於港大 8.18事件後。鄧質疑，建制派藉論壇衝突提譴責暴力動議，挽回政府及警方形象，公眾不但未能聚焦替補機制問題，更誤以為論壇全部示威者都是「暴徒」，無法區分他們與推撞保安的 V煞仔，「李永達選區議員出單張譴責，要求警方跟進，依家佢真係『成功爭取』喇，佢有冇刻意區分我哋同 V煞？民建聯提動議嘅時候，係有意區分定係綑綁？」
判刑後，鄧建華陪媽媽飲茶，希望她別擔心，「佢知道我唔係做錯啲乜嘢，係外面啲人以為我做錯啫。好多謝屋企人諒解我，有機會就陪佢哋多啲。」