我是一名職業司機 ! 一個平凡人, 可能無各位咁多經歷, 亦沒有任何像一些朋友有特異功能,每天在任何時間任何地點都看得到見得到那麼本事, 咁傳奇, 但我現在告訴你的百份百是你從未知曉的真正鬼經歷, 如果不是發生在我或最要好的人或朋友身上, 我絕對不會說出來,
支持真實, 不要虛構 !
一切從2012年年初時3日內在時代廣場曾經試過2次晚上接載一個和尚去將軍澳墳場最頂處的, 第一次在晚上七時許他上我的車子要求去將軍澳墳場, 我有戒心, 無問他為何那麼夜都要去那處, 估計他可能約了剛剛死去的死者的家屬, 去到接近目的地, 他要求我駕車到好入入去墳場的最"篤"的地方, 去到山頂部份, 佢沿途一路都無出聲, 我初頭以為佢係墳場近入口山腳地方落車, 我從來無想過他會去到"咁入", 我當時拒絕他的要求不肯入去, 報call回的士台我的位置, 要求的士台召喚其他附近的行家接載和尚完成餘下旅程, 出乎意料他並沒有發脾氣話我拒載, 還說明白我的憂慮, 付款後自行下車, 當時有另一駕的士經過, 他走去駕的士度,應該是同個司機議價, 我見他上了部的士上山,隔了兩日晚上6點幾, 我又在時代廣場等客, 又輪到佢上我架車, 佢的目的地又係將軍澳墳場, 我今次問咁夜去做咩野, 佢話做法事,佢問我今次可否送佢去山頂, 而且會俾多d車資錢我, 我應承佢, 因為我見佢個樣都好慈祥好正直, 去到山頂佢落車, 佢還額外一百元給我, 叫我回程下山時千其不可以載客, 如果有任何人截車千其不要停車 ! 他的一百元額外付款當時回程的費用, 佢還送給我一塊佛塊, 祝我以後一路順風! 我明白他的用意, 這亦是我地職業司機的一大禁忌!
我最初入行時, 在一間的士行度租車揸,曾經聽車主投訴抱怨一個租佢車的行家經常接載一個熟客晚間返回新娘潭附近的寓所出番嚟,架車車身成日都花哂(俾人畫花), 好多的士司機都有相同的遭遇,尤其是"紅的", 因為果度好多荒山野嶺無人行無人住, 成日半夜有人截的士, 幾乎所有行家都知道有哂共識, "判斷佢地不是人, 是鬼"一定唔會停車, 因為佢地根本就有本事坐我地順風車而不需要截停我地架車, 通常會這樣做的一定是來者不善, 除非佢地想搵替身替死鬼, 你停車即是表示我地司機自己自討苦吃, 自願送死接佢地一程, 跟住亦有幾個case係新手司機停車在無人住的公路上接載乘客後出事發生奪命交通意外, 因為當時佢地有即時致電好友行家或報上總台匯報接送乘客上車, 跟住當晚不久即刻出事! 所以我地這班司機係唔會在d地方停車,我都試過在新界西貢僻靜的無街燈的村路俾"人"截" 我慶幸當時無停車, 因為我交更時發現右邊車身有幾條"痕", 西貢鄭植之中學轉下附近有條路係我地全行都知的黑點, 晚晚都有人在果度的小路突然出現,我地晚上無行家會係果度停車!
希望各位駕駛者小心忠告 ! |
發表於 2012-8-1 14:27:51
分享
收藏
讚好
Unlike!
分享
