遠望高登

xdxd125

隔牆有耳：狼英力捧「高登」
麥齊光成功打破特區問責官員任期最短嘅紀錄，上任12天就衰咗。噚日黃昏，廣東社團總會搞嘅慶回歸酒會，撞啱有大批高官出席，現場一片愁雲慘霧，變咗個官場追思會。


遠望高登 - 全程唧都唔笑
出席嘅現任政府官員個個保持緘默，當中以特區第一、二把手狼振英同林鄭月娥塊面最黑。除咗同主人家寒暄時嘴角仲識微微上揚，其他時間全程唧都唔笑。曾德成、黎棟國、高永文同禿鷹曾偉雄等人上台時都係木無表情。

遠望高登 - 牌匾寫住「登高望遠」
酒會開幕，振英哥同林鄭要做代表接收大會送嘅牌匾，噢，仲以為新班子真係唔收紀念品㖭！牌匾寫住「登高望遠」，高登仔唔好讀錯做「遠望高登」呀！

遠望高登
祝酒時， CY一飲而盡，酒入愁腸唔係咁好喎。振英哥之前懶係嘢，話為環保問責班子唔戴襟花，但現場所見，林鄭、禿鷹、楊立門、都有戴襟花囉。係得張志剛陪振英哥拒戴襟花，邊個係真兄弟，一睇就知啦！