普選懦夫梁振英

萬歲爺

普選懦夫梁振英




之前口口聲聲話唐英年唔敢同佢同場辯論的梁振英，點解去到今鋪大家最有興趣知道的普選問題上面，梁振英居然選擇脫逃呢？

香港民意一直都好清楚，泛民主派一直得到過六成的選票，即大多數市民都要求民主普選，絕大多數市民關心的問題，梁振英居然選擇不戰而逃，連同唐英年同場辯論都唔敢？

法論界選委約你，你唔得閒；泛民主派 205 張飛最關心的民主議題約你，你都唔得閒，究竟梁振英你為左咩人約你先得閒呀？你唔係為左要出席同幾個冇票的網民見面，而放棄六成市民關心的民主議題嗎？

要準備西九調查？你自己唔係口口聲聲要求人地公開資料咩？你有乜野要「緊急準備」呀？有乜野唔見得光先？行得正，企得正，準備少幾個鐘，係唔係會死呀？你瞓少三個鐘都係度啦呵，全香港六成市民關心的議題，你瞓少幾個鐘都要死呀？

何俊仁﹕梁振英選擇性出席選委會議

特首候選人何俊仁批評，西九調查委員剛剛開會，相信只是梁振英的籍口，實際上梁是選擇性出席選委會議，以爭取他認為可變更立場的選委的支持。何又指，梁已放棄選民，他當初仍批評唐英年拒絕同台出席論壇，只是為能成功入閘。一旦成功，他便放棄之前所作承諾，可見他非常反覆及功利，只為玩小圈子選舉的遊戲及背向選民


梁振英承認，競選政綱中政制篇幅很少

行政長官候選人梁振英晚上將缺席普選聯的候選人論壇，他解釋是因為選舉迫近，時間安排不到，否認是不重視普選訴求。

梁振英又透露，前晚收到聲稱涉及另一名候選人黑材料的電郵，並附帶相片，他即時刪除，重申不搞黑材料。