查看: 212|回復: 11

unwire 女同事親試 : 超可愛 My Melody & Kuromi Pop-up Café [複製鏈接]

日圓上升

Youth II

Rank: 6 Rank: 6

好友: 0
帖子: 4740
積分: 9468
最後登錄: 2018-7-31
在線時間: 0 小時

電梯直達

樓主

發表於 2014-7-14 12:03:45 |只看該作者 |倒序瀏覽

香港首間 My Melody & Kuromi Pop-up Café 位於朗豪坊10樓的 ishiyaki+ café，由 7月 14日開業至 9月 14日，我呢位 unwire 的女同事一聽到呢個消息真係訓唔著，好想可以快啲去試試！去看我喜歡的 Kuromi！終於，有機會在開業前率先試，以下就等我同大家介紹這間充滿住少女情懷的 café 啦！

▲一去到門口就看見 My Melody 和 Kuromi 穿著住 café 制服恭候大家喔！咁得意，相信大家都好想快啲入去呀！

內在環境

一入到去，整間 café 都是以粉紅色佈置為主，無論牆身、檯面、餐桌都可以看見 My Melody 和 Kuromi 的蹤影喔！而且內裡的裝潢也很日本風，令人覺得置身於東京一樣。

▲ café 裡的座位安排得不算擠迫，不會有焗促的感覺。

▲ 近門口的地方也有提供座位，這邊有貼滿粉紅系貼紙的窗戶，就算坐外面也能感受到裡面的氣氛。

豐富菜式

既然是 Café ，我對它的餐飲還是有一點點的期待，究竟以 My Melody 和 Kuromi 主題的食物會點呢？原來午餐、茶餐及晚餐都有不同的菜式選擇，而且全部以套餐供應，套餐均可配以主題顏色的巨峰提子白桃特飲／芭樂白桃特飲、而不喜歡凍飲又想吞掉 My Melody 的讀者可配熱咖啡（笑）。粉絲們可以睇完下面的食物再決定以什麼時間去才最合適呀！

午之食事

▲ 香煎龍利柳飯配忌廉白汁 $78

▲ 日式咖哩脆炸豬扒漢堡飯 $78

▲ 三文魚蟹子丼 $88

茶餐

▲ 意式情濃班戟配士多啤梨雪糕 $68

▲ 黑白金磚多士 $68

▲ 田園烤雞卷沙律 $62

晚餐一人前

晚餐的套餐除了配特飲外，還會提供前菜及甜品喔！這麼豐富，所以晚餐是貴一點點的啦！

▲ 極上豪華日式盛盒 $188

▲ 溫泉玉子牛肉山賊燒石燒飯 $158

夏日甜點

▲ Kuromi凍火山 / My Melody 凍火山 $68 (惠顧任何套餐可選配）

▲ 我對呢個凍火山最有興趣，份量大到同我個頭有得 fight (編按 : 你都知你塊臉大le) ，哈哈！要食的話真係需要找個人一齊開心 share 才吃得完喔！

unwire 女同事後記

這次的 Pop-up Café 第一個帶給我的感覺就係正呀！四周圍都係粉紅色，好靚，相信喜歡粉紅色的讀者一定跟我一樣好開心。但我建議大家約齊四個或更多人一起去，因為每張二人的餐枱只有 Kuromi 或 My Melody 又或者是 SANRIO 的 logo，如果我約齊四個人去，就有機會一次過影齊 Kuromi 及 My Melody 啦！而且六人枱的設計又是另一個款式喔！
至於食物品質方面，由於當日我去的是茶餐時段，未能試齊所有菜式，我覺得甜品質素是 ok 的！特別欣賞田園烤雞卷配沙律，很好味呢！不過由於我早前看過東京版 Café 的相，看到香港的食物款式反而有少少失望，因為有好幾款食物也只是放一個印有公仔的小牌而已，未能突顯餐廳的用心，不過我覺得還是值得去一次潮聖呢！

▲ 這次被分到去 My Melody 的餐桌呢！

▲ 餐廳更有多款 My Melody 的攬枕給顧客自由取用，Fans 除了可以影餐飽，更可以攬住 My Melody 共食呢！

▲ 其實餐廳的影相位不多，只可以到門口的佈置及自己的餐桌不停影，不過當日我收到風，黎緊朗豪坊不同的角落會有齊 Sanrio 最具人氣的七個卡通人物 My Melody、Kuromi、Little Twin Stars、Hello Kitty、Pom Pom Purin 及 Bad Badtz Maru 企定定俾大家去影相呢！大家要留意喔！