「唔要豬 唔要狼 唔要死雞」 選戰腐爛 80後唐宮默哀

時事評論員

「唔要豬　唔要狼　唔要死雞」
選戰腐爛　 80後唐宮默哀
2012年02月22日


近 30名青年人昨晚到唐英年大宅外舉行燭光晚會，更「食花生」寓意港人等觀特首混戰。　馬泉崇攝

【本報訊】荒誕小圈子選舉陷入泥漿摔角，原本「坐定粒六」做特首的唐英年接連被揭醜聞，卻無阻他手握 378個提名輕鬆入閘。無票的 700萬市民被漠視， 80後化怒氣為行動，昨晚在唐宮外舉行「全城默哀腐爛小圈子選舉燭光晚會」，點起燭光「食花生」，呼籲港人睇戲之餘，起來反對小圈子選舉。
記者：王家文、陳雪玲、林俊謙

昨晚 80後青年發起「全城默哀腐爛小圈子選舉燭光晚會」，約 30人往唐英年九龍塘約道大宅外，當中有內地學生特意前來參加。他們拉起「立即普選，捍 衞香港」、「唔要豬、唔要狼、唔要死雞」橫額，又在門外點起燭光哀悼小圈子選舉，及後圍着坐下，邊食花生，邊討論小圈子選舉的害處。

強行逆民意入閘選特首的唐英年，昨繼續笑騎騎拒絕退選。　黃建通攝

80後昨晚圍唐宮，反對特首小圈子選舉。　易仰民攝

鬧唐冇承擔冇資格參選
運動發起人陳景輝說，在唐宅外開展反對小圈子選舉運動第一波，是因為他表現「腐敗到極」，喚起不大關心特首選舉的市民的關注，他們稍後會輪流向其餘的特首參選人抗議，並呼籲民主黨主席何俊仁退選，勿做曾鈺成、葉劉淑儀等「執死雞」政客的「飯蓋」，合理化小圈子選舉。
參與集會的中三學生阿軒來自天水圍，他說同學都希望唐英年退選，更不排除為此發起遊行，「香港唔可以俾個咁冇誠信嘅人做特首，佢連參選資格都冇，冇承擔嘅男人，擺自己老婆出嚟」。有「樂壇長毛」之稱的周博賢也現身憤言：「唐英年嘅事件凸顯選舉劣質性，令社會分化，咁多人對佢不滿，但地產商仲要支持﹗」
「走糖」行動陸續有來，工黨會周日接力，會在唐宅外上演街頭劇，向四名建制特首參選人或候選人頒獎，唐英年實至名歸獲「無賴勁爆獎」；梁振英得「餓狼優異獎」；葉劉淑儀及曾鈺成就獲頒「君子、淑女執雞獎」。工黨主席李卓人憤言：「市民點憤怒，你嘅聲音冇人聽。四大財團操控唐英年，操控將來嘅政府，為自己利益吸乾香港繁榮成果。」

若唐當選四成市民上街

泛民特首參選人何俊仁也批評，唐英年民望大幅插水，仍獲 378名選委提名，反映小圈子制度視民意如無物，設計極度荒謬，相信不少市民未來兩、三星期會會以極度憤怒態度，透過社會行動抗議誠信破產的唐英年厚顏參選。
本報昨天以電話互動錄音系統訪問 352位市民，問他們若唐英年當選特首，會否上街抗議， 42.8%受訪者表明會上街、表示不會的有 41.2%、表示難講或不知道的則有 16%。此外，香港大學學生會本月 20日訪問了 686名港大學生， 81%認為特首的誠信比能力重要， 85.1%指唐英年應為大宅僭建負責，放棄參選。港大學生會長陳冠康說，該會 3月中上旬會舉辦特首論壇，希望五名參選人或候選人出席，若有人與對手同台面對群眾都不敢，其認受性將受質疑。
他們在散去前將燭光放在唐宅對面的約道 6號中聯辦九龍工作部，喻意要實踐港人治港，中央不可再干預香港內部事務，不要再欽點特首。

a168

support Mrs Ip Lau