有咩星座女會嫁雞隨雞？

nh88

白羊女
思想獨立，有理想有目標的白羊女，可能未結婚之前佢會對婚後的生活有dd憧憬，得閒佢會幻想下點樣照顧過老公，點樣打理好頭傢，點樣做個100分的好老婆，不過呢，講到真係發生佢又未必能夠真係100%犧牲曬自己來照顧老公，因為地球仲有好多人同事需要佢嘛！
金牛女
傳統度十足的金牛女當然絕對信守「嫁雞隨雞嫁狗隨狗」的習俗，唔單止會好好打理傢頭細務，仲會好好照顧埋老公的屋企人添！煲湯、洗底褲……乜都做，同阿信一樣無怨無悔，不過佢傳統得滯有時難免會令到個老公覺得個老婆同夕面請的外傭好似冇乜分別！
雙子女
你咪睇小呢個無時停坐唔定的雙子女，以為佢實係唔會安安定定做人老婆，你咁估就大錯特錯啦！對於貪新鮮同講過癮的雙子女來講，好好做人老婆都係一個大挑戰，佢會盡心盡力咁面對，可能仲做得好過好多其他星座老婆添！不過冇乜持久力的佢做幾耐又係另一回事！
巨蟹女
一講到好老婆大傢通常都會聯想到巨蟹女！無錯，巨蟹女未嫁已經好識做人同照顧屋企，而且佢絕對唔係好似下面位獅子老婆咁講門面，佢會認真好好打理頭傢，仲要係做到頭頭是道果隻，不過呢，因為佢太為頭傢，可能對老公來講婚後的佢會比較乏味！
獅子女
響各位街坊眼中呢位老婆就真係好到不得瞭！做傢務照顧老公侍候老爺奶奶…總之就係樣樣做到足！不過咪開心住，獅子女出曬名鍾意金玉其外，佢門面工夫真係會做到足一足，不過響整齊的床單裡面可能有一大堆未接?S的衫，係咪一個好老婆就真係見人見志啦！
處女女
要論好老婆，呢位處女女認第二冇人咁認一，你叫佢唔好返工響屋企煮飯燙衫咩，佢絕對覺得冇問題，佢仲會做得好好，晚晚煲定湯等你返屋企！不過你娶得佢就預定全部收入要上繳中央畀佢，仲要成日畀佢鵝兼管住曬，好彩除呢兩樣難頂之外，其實佢真係好好！
天秤女
老實講，響天秤女的內心深處，佢都係好想做個稱職老婆，好好咁相夫教子，可惜佢實在有d力不從心，本身性格已經烏烏龍龍，仲要加埋冇主見，你叫佢煮飯喎！佢可能打十次電話問你今晚想食乜，然後洗衫又打畀你問下有冇衫要洗，佢真係隨時隨候都跟隨住你！死未？
天蠍女
講到為頭傢，天蠍老婆同白羊老婆一樣咁有承擔，力拼？冇問題！而且佢畀白羊老婆更加有份無私奉獻犧牲的情懷，你事業唔如意搵唔到錢咩？唔緊要佢搵！叫佢畀埋錢交雜費咩？冇問題！天蠍老婆做乜都係為頭傢同埋個老公，不過佢呢種奉獻好易令人窒息，唔係個個老公都頂得住！
人馬女
上面的天蠍女非常睇重個傢，而呢位人馬女就太過睇輕頭傢！咪以為佢唔尊重婚姻，佢不知幾重視，不過生性自由奔放的佢，屋企對佢來講係個休息叉電的地方，而唔係傾注精力響上面的地方，所以你咪旨意追求理想同心靈的人馬女會鍾意留響屋企幫你摺衫同洗碗喎！
山羊女
雖然佢出曬名追求事業，不過傢庭同婚姻生活對佢來講又唔係唔緊要，要一個完整的人生，另一半係有存在的價值，佢唔多似追求一段感情而係似搵個伴；另外有老公之後，佢亦冇後顧之憂更加可以全面投入發展事業添！不過佢始終都唔係太樂意將時間放落老公身上，維繫方面較難攪！
水瓶女
同山羊女相似，水瓶女對婚姻睇成搵個伴，但係佢比山羊女投入更大的感情，響其他人的眼中佢係一個乜都以老公行先的老婆，而事實亦都係，不過呢，因為水瓶女本身唔係咁識得表達自己，再加上佢對親朋戚友都好好，反而佢另一半就會覺得佢做得唔夠好唔夠多！
雙魚女
想搵一個全心全意愛你，唔會咁易就話放棄你的老婆？搵雙魚女啦！隻要佢一旦同你一齊，佢就諗住跟定你一世，好長情！不過佢成日糊裏糊塗兼嬌滴滴，連自己都唔係咁照顧得到，講到要照顧你就更加冇可能，所以要有照顧佢身心兩方面的決心至好！