溝死女功夫傳授

HOTSTUDIO阿蚊

第一回:溝女要從身體入手
唔係第一回就講咸野,隻不過想提醒下大傢,
搵五姑娘係好傷身既,唔明咩叫五姑娘可以按alt+f4
搵唔姑娘出完野,會消耗體力同蛋白質,
重會有一段時間男性荷爾蒙降低,
唔單止對異性冇興趣/性趣,長期搵五姑娘重有樣睇,
特徵包括10問9唔應,頭髮唔整潔,無笑容,疲倦外表,
其實就同毒男一樣,長期睇咸片重會改變對性既觀念
你估真係有個av女優走上門強姦你咩,

係屋企就算唔出街都要做運動,
就算瘦都要比人睇得出你有做運動
唔做運動既人一出街一眼就睇得出一副病樣,
肥既去減肥,瘦既去增肥,樣衰既扮cool,勁樣衰既去韓國

人靠衣裝,著衫唔一定要著名牌,
唔一定要貴,但唔好著假野,
重有就係最緊要巖身,太緊似著女裝,
太大又唔好睇,衣著我唔在行,但最緊要巖自己



第二回:環境因素

環境因素唔係講geography,
係講緊溝女既高深方法,
唔係咩武林絕學,隻係好多人唔識利用,
咩野係最好利用?就係朋友,
朋友係用尼利用既,
認同既人請按 開始 ,之後連按2次u,
window 會有說明比你睇,
其實講緊既係利用目標身邊既朋友,
幫自己拎印象分,攞第一張底牌,


女人其實都係鐘意講人是非,

溝女既時候對目標好係當然既,
但其實更需要既係對女方身邊既人好,
例如食飯讓隻咸蛋比人食,
時機一到你就會成為佢地講是非既話題,
講完一次又會有另一次,做就一個環境,
所有目標身邊既人都覺得你係一個nice man


制造環境隻係第一步,目標隻係另對象多一個機會留意你
起碼講電話傾8婆野有機會諗起你隻咸蛋先,
但係加深印象既過程要注意,唔好令人覺得你扮曬野,
更加唔好令人覺得你對某人攪曖昧,
做好人要平均,唔好過份,
例如日日請人食飯/食下午茶,
隻會比人當你水魚



第三回:表達自己

今回講既係如何帶出自己既心意,
唔係一定要示愛先叫表達心意,
而係講心個句出尼,好多人面對女性都做唔到,
就好似明明唔食得辣,身邊既異性話想去食麻辣鍋,
就話好好好,去到飲水多過食肉,
點解當初唔反對呢?為左討好異性囉,
無錯好多異性唔鐘意比人反對,
你老母就係一個表表者,
所以表達自己都要有技巧,
例如唔想食麻辣鍋,唔好直接講,
可以講成:食辣野好熱氣,生豆豆就唔靚啦,
異性聽到同外表有關重唔轉食龜鈴糕咩,
舉多個例,收工班女同事叫埋你去飲野,
飲到一半你想走,就咁走又要交個原因,
就可以講:我走先啦,你地都唔好玩咁夜,夜訓唔靚架,
佢地聽到唔單止唔阻你,重可能走埋一份,

以下為對答應對:      A=你 B=異性(可多於一個,唔一定要係目標)

A:我唔飲走先啦
B:飲多陣啦我地都就轉場啦
A:你地都唔好玩咁夜,夜訓唔靚架
B:飲得咁開心,唔好咁掃興啦,
A:咁不如轉場食糖水丫,養顏啊,我樓下個間都唔錯架

B:喂去食辣野
A:食辣野好熱氣,生豆豆就唔靚啦
B:我有清熱酷,唔怕架
A:但係食咁多肉好肥架,飲再多都冇用,不如去食素菜啦