3餸1湯無難度,另貼上自家制既餃子

bobodragon2001

之前見老婆咁辛苦..又心血來潮..
於是就去左買料煮飯佢食..一個人拎重死我==


第1味 -紹菜卷

其實入面包咩料都無問題..系睇你自己個人喜好..
咁我今次就用左菜圃.冬菇.紅蘿蔔.粟米
除左以上幾種..
我加左雞肉..最主要個樣料黎...如果中意既用豬肉都得架..
首先就系要將d材料切成一粒粒..


之後就mix埋所有材料..醃好佢調味..
之後既主角就系紹菜or叫娃娃菜喇-.-
就系要一片片meet出黎..之後洗乾淨佢..

包個陣首先系塊菜葉上面搽少少生粉.之後再加適量既料入去...
吾好太多..如果吾系佢會系2邊流返哂出黎架..
之後就拎去蒸15mins..最後打埋個''獻''就完成喇





第2味 - 就系金菇肥牛卷

系揀材料方面我揀左火鍋肥牛
第1件事梗系要醃左d牛肉同埋洗左d金菇先喇..
之後就卷起佢喇...


之後就咁拎去煎..我好多朋友話煎個陣成日都散..
最重要系一落鑊就煎左我地卷個個接合位先..等佢熟左先轉..咁就ok架喇..
完成圖...我無落過任何醬去煎..因為我醃料個度已經夠哂味..



第3味 - 鹹蛋肉碎炒西蘭花

首先就醃左d免治豬肉..蒸熟隻鹹蛋壓碎佢..
之後d西蘭花要6一6先..如果吾系一d硬一d霖..
之後就炒埋佢..因為鹹蛋本身夠味..所以都吾需要落任何調味料去炒
完成~~




最後就系湯喇..我就煲左節瓜肉片鹹蛋湯.

就咁煮一餐飯都搞左幾個鐘頭..
但最重要既當然系佢食得開心喇..
希望遲d summer holiday會有多d時間煮多d好野佢食喇







♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

最後送上自己包畀老婆做LUNCH既冬茹豬肉娃娃菜餃子;D
我用左濃湯寶黎整..味道好好





多謝收看.和給心心thanks