街坊飯堂 南記煲仔飯

bobodragon2001

剛看到好想試！！

冬天的草堆街橫巷，份外熱鬧，除瞭耳熟能詳的楊六牛雜粥聚集着一班愛講笑吹水的街坊之外，還有已有 40 多年歷史的南記煲仔飯。不過，夏天可能唔多覺眼，但一到冬天，當枱凳都搬到店外騎樓底、食客塞滿整條小橫巷時，又是另外一片好風光。可能因為位置較隱蔽，來幫襯的人不是街坊，就是識途老馬，漸漸也形成出一份說不出的默契；「放工嗱？今日排骨臘腸煲？」「送過強記羊腩煲那邊，無問題！」老闆羅先生有求必應。

那當然，羅先生十幾歲開始就跟着爸爸來這裏開檔學做煲仔飯，街坊由細睇到大，感情就像一傢人，難怪處處也會為他們着想。「以前做煲仔飯，全用炭爐即叫即做，由生米煮成熟飯，半個鐘絕對唔少得；而傢啲人無咁好閒情逸致等咁耐，所以我地都轉左用石油氣爐加速，不過放配料嗰陣，一定會放番過炭爐那邊再燒，咁飯粒就會乾身啲而且保留炭火香，兩全其美！」打開鐵皮櫃，更擺放着大量瓦煲。「街坊來吃煲仔飯，梗係要快上枱，預備多啲瓦煲，唔使洗，又可以快啲，最緊要大傢吃得開開心心！」


南記的煲仔飯，不像坊間的大搞花臣綽頭，排骨、滑雞、田雞、臘腸、窩蛋牛肉、風鱔等等，全都實而不華，不過味道也最夠原汁原味，混合那香脆飯焦同吃，好到極！不過，可別忘記加入那秘製豉油及豬油。「而傢人人講健康，好少吃豬油，不過如果街坊出到聲，也會幫佢地加啲豬油落豉油度，淋上飯面，再焗一焗，香好多！」


老父退休後，羅生接手這煲仔飯生意，一夫當關，入貨買料、煲飯樓面清潔一腳踢，直至娶得嬌妻，兩公婆分工合作，羅生主打做煲仔飯，太太則負責做煲仔菜，近年，兒子更會偶爾來檔口幫手。問他希望子承父業嗎？「仔大仔世界，邊話得埋，而傢後生嘅都鍾意出去闖，到外邊打工，做煲仔飯工夫多、時間長，好辛苦咖！」說罷，又再忙着把配料放在半好的飯上。


頃刻，炭火香和飯香瀰漫着整條小橫巷，期望下一次再來，也能感受這原汁原味的人情味道。
南記煲仔飯地址︰澳門草堆街草堆橫巷 6 號地下 營業時間︰6pm-12mn 電話︰+853 2892 3722 前往方法︰議事亭前地噴水池步行前往，約 8 分鐘即達


原文來自 http://www.umagazine.com.hk/index.php?t=201102182021