巴士司機(本人)真實撞鬼經歷-第2篇

tissss

各位朋友仔，上一次講左返早更嘅撞鬼經歷，咁今次就講下返夜更昤所發生嘅靈異經歷啦！！！

話說當日我係返夜更嘅，咁當晚收工果時(大約係凌晨嘅1點左右)，我都係如常咁經朗屏村返巴士車廠加油、洗車咁啦，

其實我哋呢行大部份睯師兄於收工返廠的時候都會將所有嘅車廂燈熄曬(我諗大傢都應該會見過)，

所以當時在車內的環境都係相當暗，當然我都唔例外會熄曬d燈啦，咁當我駛到朗屏村對開嘅燈位果陣，

因為紅燈嘅關係所以要停車等轉燈咁啦。就在停燈呢個時間,我好清楚咁聽到上層有d聲，而果d聲音我

好肯定係腳步聲，而果d腳步聲好明顯係由上層車尾處一路咁行去車頭位置(可能係樓梯位掛，大約啦大約啦)

，我心諗,無理由仲有人架，因為我習慣無次收工前，我一定會檢查曬上下層車廂確定所有乘客走曬我先會熄

燈走人。而喺呢個時候我就更係望下塊潛望鏡睇睇咩料啦,果然比我睇到D嘢喎 ，佢 真係企咗喺上層樓梯口，

咁係同一時間燈號轉綠燈，咁我就唯有開車繼續返車廠啦，我都諗住算啦,唔理佢(鬼)咁多啦，點知喺行車途中

，我喺塊倒後鏡到居然見到佢 已經坐咗喺下層落車門後面果張椅到啦，當時佢係dup低個頭嘅，我心諗：

『你嚇鬼咩』!!!我見到佢嘅時候佢隻係無動作咁坐喺到又無出聲(好彩佢無進一步行動或者出聲，如果唔係都

唔知應唔應佢好囉)。雖然我本身都見慣呢d(朋友)啫，但係我一向都盡量唔會同佢哋有咩接觸，話曬對個人運情都唔係咁好嘛！

講返佢啦,雖然我係見到佢,不過就睇唔到d五官咁啦(其實呢d朋友好多時都係睇唔清楚d五官,都好正常架)，咁我就繼續行車啦，

當時我無即刻開燈，因為我唔想咁清楚咁見到佢同埋嚇親大傢(我和佢 都唔好嘛，直至臨返到車廠前我就大叫：喂，我要

收工啦，你要走啦，咁過咗幾秒之後我就拿拿臨開曬車廂嘅燈,而喺呢個時候我再望倒後鏡就已經唔見咗佢囉


PS：大傢好，呢篇係我第二篇嘅OST呀，唔知大傢對我嘅OST有無d咩嘢意見咁呢?請大傢繼續 我喎 ，有你哋嘅 ，
  我就會喺呢到繼續POST本人嘅真實撞鬼經歷同大傢分享架

cb_reptile

支持你一下下。。

cb_reptile

搶座位來了

bobodragon2001

發貼看看自己積分