籤文指迷津 唐唐勝算大

項少龍

籤文指迷津　唐唐勝算大2012年02月25日

港人遇疑難最愛搵黃大仙求籤指點迷津，本報記者昨日為五位特首大熱向黃大仙求籤，近日是非不絕的唐英年雖民望插水，但黃大仙的陳伯根據籤文指唐英年暗比武則天，似勝算在握。


曾鈺成　下下籤

曾鈺成　下下籤

黃大仙陳伯：「楊貴妃係靚女，雖受皇上寵幸，但當皇帝出兵打仗不得不屈服於士兵要求下把禍水紅顏處死。中央雖對曾鈺成印象好，大力扶持佢，但係周邊環境因素對佢不利，犯小人，形勢上都要輸收尾。」

梁振英　中平籤

梁振英　中平籤

「公冶長係孔子學生，博學多才，但佢失信於一隻雀仔，差啲被困入獄，雖然最後都得以解困，但籤文已帶出梁振英唔係本身能力問題，主要係信錯身邊人致失去機會。」

唐英年　中吉籤

唐英年　中吉籤

「籤文內容係武則天飲酒賞花，花開富貴，係祥和景象，武則天係女皇帝，但係佢同唐英年愛飲紅酒好似，武則天統治期間都算國泰民安，所以正好暗示唐英年有機會勝出做特首。」

葉劉淑儀　中吉籤

葉劉淑儀　中吉籤

「講兩個夷齊兄弟讓國故事，求到呢支籤嘅代表嗰個人脾氣固執，唔適應環境變化，葉劉淑儀係有能力，人係清廉，但就一定選唔到佢，因為佢太硬頸。」

何俊仁　上上籤

何俊仁　上上籤

「姜太公係叻人但都只係封相，換上何俊仁身上，對比其他對手，佢其實係最冇包袱，可以揮灑自如，可惜最終只可封相唔係稱王。」