市民狂鬧 唔係選八婆

時事評論員

市民狂鬧　唔係選八婆
2012年03月18日



【本報訊】特首候選人電視論壇演變成唐英年大爆梁振英真面目的真人騷，市民昨致電電台烽煙節目，指兩位候選人的辯論令港人失望、丟架，批評二人誠信破產，不配做香港的特首，一定要有普選。有聲稱是選委的聽眾更直言，辯論令他更加認識唐、梁二人，決定投白票。
香港電台節目《千禧年代》昨早特設「特首選舉號外」環節，開放大氣電波予市民發表意見。

「中央揀嘅都係垃圾」
市民陳先生指辯論令人失望，認為特首選舉應該係由一班優秀的人出選，「唔係好似細路仔咁，你一言我一語喺度舌戰」。他又說，原本寄望論壇可令港人更了解各候選人政綱，不是互揭黑材料，「市民唔係想睇鬧劇、邊個最衰，係想知未來有乜建設性嘅嘢做到」。
唐先生更批評，兩個候選人都誠信破產，「證明中央揀畀香港人所謂可接受（特首）都係垃圾，所以一定要有普選，隨便一個上台都係災難。余太則呼籲選委投白票，「兩個都揀唔落，一個正直但蠢得滯，爆料蠢到加零一。梁振英就咁奸，有鑊就卸，有功就自己邀，係香港人災難，揀過有能力嘅人啦。」

原望論政最終又抹黑

此外，也有多名市民指摘唐英年在論壇上爆政府高層會議資料是不負責任，「作為政府嘅高級司長，好多機密政府要採取保密，而你喺全港觀眾面前爆出來。」歐小姐更指唐英年言論不可信，「唐生你不嬲都講開大話，講多次，對住 700萬人講又有乜奇怪呢。除非畀到進一步嘅事實，否則我唔信囉！」她稱，原本希望論壇可集中討論政策，但最終又是抹黑，「我哋係要選一個對香港政策事務熟識嘅人，唔係選一個八婆出來。」

時事評論員

國際視野：人身攻擊兩敗俱傷
2012年03月18日

負面攻擊是競選常用策略，不過上策是人家出手比自己赤膊上陣好，對比雙方公開的立場，比人身攻擊對方好。唐英年在競選辯論拋出梁振英懷疑在行政會議上的言論，不惜違反保密原則，反映他已豁出去孤注一擲。

外國由外圍組織出手

負面攻擊如可信，會令對手民望大挫，但其實傷人亦傷己，選民會認為你沒有任何正面的東西可推銷，才會攻擊對手，亦會令未有取向的選民疏離。搞政治抹黑，假如涉及違法洩密，更會引火自焚。幾年前美國「特工門」醜聞，喬治布殊政府為打擊質疑伊拉克戰爭理據的外交官威爾遜，向傳媒非法洩露他太太是中央情報局人員的身份，副總統幕僚長利比就為此一度被判監 30個月。
所以黑材料很多時由競選陣營漏給傳媒，由傳媒跟進，或者由外圍組織出手，像 2004年指美國民主黨總統候選人克里捏造越戰戰功的廣告，是由一個自稱獨立的老兵組織發出。
唐英年在辯論親身擲出政治炸彈，屬極罕有例子，可以解釋成因為指控內容涉及高層會議機密對話，難有對證，惟有把自己僅有的誠信押上，當面對質看公眾信誰。但這樣做勢必兩敗俱傷，增加流選的可能。

王珊