我第一次感覺到大約發生在我小學六年級嘅時候,先講我住的地方,我住政府宿舍,外牆係白色,搬入去大概一個月左右,就開始係外牆見到一個人形嘅物體,我清楚記得牠帶頂紳士hat,穿長衫,手拿一支士的,留有羊咩鬚,五官雖然睇唔清楚但感覺佢好慈祥,唔知點解呢件事我一直冇講出來.
我唔係好記得過咗幾多年後,有一次同媽咪傾計講開,話咗比佢聽,佢呆咗一呆,就問我點解當時唔講出嚟,原來.............記得當年啱啱搬去嘅時候,傢中有拜關帝但冇安祖先,後來臨近過年前先安好,因為我爸爸工作關係,一到過年佢啲同事就會不停出出入入我屋企食飯賭錢,那一年我爸爸正在攻打四方城,而佢有一個同事坐係佢對傢觀戰,呢個叔叔原來有陰陽眼,幾日後佢同我爸爸講,x sir,打麻將o個日,你旁邊有一位好慈祥嘅老人傢望住你.........而叔叔口中形容嘅呢位老人傢跟我在外牆見到嘅係一模一樣
原來在叔叔講給爸爸聽之後,媽咪便即刻去問咗一位幫人做法事嘅伯伯,先知道原來我太爺爺好喜歡跟我爸,安好祖先佢先可以入屋,所以有時鬼唔一定係恐怖嘅! |
發表於 2012-5-24 20:59:41
分享
收藏
讚好
Unlike!
分享
