咩老公會畀老婆亂駛錢？

plas_hoz

白羊老公

佢未必係一個好顧傢的老公，不過講到對老婆都算係咁，可能因為佢會將人生的大部分時間同精力放曬響事業方面，為彌補呢點佢會盡量滿足你生活需要，就算你鍾意用佢Ｄ錢shopping佢都會由你（或者話唔得閒理你）！


金牛老公

講到金牛老公佢唔會唔畀你買，就算話係名牌要萬萬聲個袋佢都唔會話貴，然要一要符合佢的條件，首先錢係搵來駛，同埋最緊要用得其所，所以呢，隻要佢覺得你Ｄ戰利物超所值而佢又有閒錢，就冇所謂！唔係！死梗！


雙子老公

　　如果真係撞著雙子老公，你拎佢Ｄ錢去亂shopping？結果真係離婚都有份！佢唔係睇得個錢咁重要，原因都係佢Ｄ神經質同欠缺安全感作祟，當然仲要講係響你想亂花佢Ｄ錢前佢到底仲有冇錢你花呢？（佢自己亂花囉！）


巨蟹老公

　　你要明白巨蟹老公最注重的就係傢居環境，基本上唔講你亂駛佢Ｄ錢呢筆，淨係講你shopping買埋一大堆衫一大堆鞋一大堆袋塞滿一屋係，都已經令到佢非常之咁唔滿意，所以想shopping？先諗掂點收藏先啦！


獅子老公

你嫁到呢個老公就即時執身彩啦！因為獅子老公本住要令另一半快樂幸福的天性，就算響佢內心有幾咁唔滿意同幾咁辛苦，佢都唔會阻止你繼續shopping，當然佢都會係一路幫你找咭數一路叫你下次唔好！


處女老公

　　呢位老公就～梗係唔多鍾意啦！雖然話見到你張爆曬的咭數佢都會勉為其難同你找一兩次，不過你要記住真係一兩次，之後佢唔會再出聲，甚至乎會睇住你畀收數佬追都唔理你！小心啦！


天秤老公

　　講到shopping呢，呢位老公可能仲瘋狂過你！由金星支配的金牛同天秤都係鍾意見靚野，所以對於shopping都有一定的興趣，但係天秤又冇金牛咁善於理財，小心你兩公婆都齊齊畀人清盤呀！


天蠍老公

天蠍老公對於你shopping的睇法係分成唔同心境！佢好愛你時佢會代你碌咭令你開心；佢有外遇時佢會代你找咭數令自己冇咁內疚；佢唔再愛你時就會以你亂駛錢為理由等自己飛你飛得理真氣壯Ｄ！


人馬老公

　　至於人馬老公對於你亂駛錢的睇法就有ＤＤ異於其他人，佢唔會針對你亂用錢，而係會針對你吹捧名牌，佢唔係咁睇得起你跟人買乜同著乜；當然其實人馬老公自己都有亂駛錢的傾向，隻不過唔係用響買名牌方面咋！


山羊老公

　　講到會反面的老公，山羊老公的可能性亦都唔細！響買得其所的原則下，山羊老公唔會怪你買名牌，不過一定要耐用同值得，如果你亂駛錢買埋Ｄ無謂野又唔值，佢真係會嬲到喊離婚！


水瓶老公

　　水瓶老公對於呢樣野就真係較為難以捉摸，佢自己會一擲千金買個電話或者電腦畀夥做禮物，但係見你買個成千蚊的手袋就囉囉嗦嗦！當然你用返你自己賺的錢shopping佢就唔會介意仲會冇乜意見添！


雙魚老公

　　講到呢個星座會有兩個極端反應，一種係見你咁fing錢法自己都會fing埋一份；另一種係慳埋你果份，自己唔捨得著唔捨得食，不過基本兩種都係唔多鍾意你咁做！