男人偷食有跡可尋！

HOTSTUDIO阿蚊

即使你嘅男人冇克林頓咁有魅力，冇亞諾舒華新力加咁大隻，冇唐英年咁位高權重— 但隻要有心，就算每天被嚴密監視，都有空間搞搞陣。多得科技一日千裡，現代男人比從前的更易偷食。點知最愛有冇對你不忠？下列十大常見徵兆可能幫到你理出頭緒。

1. 佢少咗留喺你身邊

偷食男用嘅no.1 藉口一定同工作有關，因為呢個理由冇咁易令女人起疑。放工陪唔到你，就話要開OT、陪老細social；放假撇低你，就話要加班、趕project。當然，工作有時總會忙到甩轆，但若果持續一段長時間，好大可能係佢忙著陪第二個女人。

2. 你哋少咗親密接觸

有研究指，有持續親密接觸嘅夫婦或情侶，比沒有親密接觸的更加快樂。而親密接觸同時亦反映出一對夫婦嘅感情有幾要好。如果佢再冇要求同你做愛，唔再主動拖手、擁抱、親吻或其他親匿行為，疲倦絕對唔係合理理由，相信佢已經同其他女人親密夠瞭。

3. 佢避你電話

關係親密時，佢就算冇主動報告行蹤，都會極速聽電話回短訊，但若開始經常miss你嘅call，甚或採取冇影行動，除非佢肚餓到食咗個電話，否則點解以前做到，而傢又做唔到？相反，當佢同你一齊嗰陣無故熄電話，係咪代表佢亦唔想畀另一個女人知佢陪緊你？

4. 佢小心看管手機電腦

女人要搵男人嘅偷食證據，通常會從電腦電話方面著手，檢視一下佢嘅Facebook message、MSN history、email、電話紀錄、短訊等便一目瞭然。如果佢「食」得聰明，第一時間會改曬password、刪除所有record、電話24小時跟身，盡可能小心處理同第二個女人約會嘅甜蜜回憶。

5. 佢忽然著重打扮

無論幾多歲，再不修邊幅嘅男人，當發姣時總會注重打扮。若果佢忽然主動買新衫、換髮型，甚至積極到keep fit練肌肉，好明顯佢唔係為你改頭換面，而係想吸引另一個她，好可惜大部份妻子／女友都忽略咗呢個重要線索。

6. 佢比以前更「緊張」你

偷食男十個有九個都會心虛，擔心自己嘅惡行遲早被揭發，與此同時又感受到若被伴侶不忠對待是何等的酸溜溜（及無面）。因此，有部份偷食男會變得比從前更緊 張伴侶嘅行蹤，隻準州官放火，不許百姓點燈；而有些心虛的，當被問及一些雞毛蒜皮小事，如「你今日返工返成點呀？」，則會馬上進入戒備狀態，反過來問長問 短，甚至惡人先告狀，指責你疑心大，無私顯見私。

7. 佢身上有其他氣味

若發現丈夫／男友身上有其他氣味，尤其女人香水味，好明顯代表佢跟其他女人有親密接觸。此外，如果佢冇食煙飲酒嘅習慣，但衫褲忽然屢屢傳出煙味酒味，不難想像佢搭上瞭一個吸煙的女人。

8. 佢嘅行為越來越怪

佢唔係宅男但忽然沉迷上網，就算冇鎖埋自己喺房，隻要見你路過即刻緊張的轉睇其他網頁，驚死你睇到佢上網做緊乜，可能性有二：一，佢同第二個女人正在online chart（甚至玩cyber sex），又或重溫緊佢哋嘅情慾照片；二，佢開始上網交友尋求另一個女人嘅慰寂。


9. 佢嘅消費模式有變

沈殿霞講過，男人有多餘錢就會身痕，但男人要偷食的話，就算削減其他開支，點都會「唧」到一千幾百，以應付跟第二個女人約會嘅花費。檢視一下佢嘅月結單，購物收據、戶口結餘……如果發現佢洗錢明顯大咗，幫襯名店又冇你份的話，相信有第二個女人正在同你分享緊佢嘅財產瞭。

10. 佢對車嘅品味有變

愛車嘅男人換新車乃平常事。不過，若然佢原本鍾情Honda一類實用傢庭車，卻無故換架寶馬Z4媾女戰車，你唔應該開心得太早，因為佢未必為你而設。就算冇換車，但車內setting有變，譬如聽開電臺轉聽林峰，多咗你最討厭嘅Hello Kitty，甚至幾條唔屬於你嘅頭髮……更多偷食蛛絲馬跡，隻要擘大雙眼就見。

^^SaＳａbb

不錯，感謝樓主