查看: 233|回復: 11

【轉貼】打電話去醫院問野 [複製鏈接]

點燃心火

Youth II

Rank: 6 Rank: 6

好友: 0
帖子: 4276
積分: 8535
最後登錄: 2018-7-30
在線時間: 0 小時

電梯直達

樓主

發表於 2014-7-17 10:14:48 |只看該作者 |倒序瀏覽

好多人打電話黎醫院問野，成日以為會有「醫生」或「護士」同佢地直接對話。其實用個腦諗吓都知，醫生同護士咁忙，醫院又點會用咁高人工請佢地返黎，齋聽病人的電話查詢呢？再且，即使醫生真係聽你電話，都唔可能單憑你喺電話講幾句就知道你乜野病啦！所以呢D查詢通常都交由普通文職人員來處理，然後建議病人親身來見醫生。須知道呢D文職人員本身未必有太多相關嘅醫療知識，唔可以亂咁答病人，因為負唔起咁大責任。(都係嗰句啦，如果我地有呢方面嘅專業知識，仲駛鬼做「普通文職人員」咩！) 而本人就正正係呢類職員，當中接過最經典嘅電話，非以下呢個故仔莫屬。

早前一個成年男人打來查詢關於割包皮手術事宜。其實每當病人開始問得太專業、太深入嘅問題時，我地都會即刻表明自己唔係醫護人員，只可以建議佢地黎見醫生先解答到，但呢位男子死都要keep住問......

男：究竟包皮要生凸幾多CM先需要割？

我：先生，你一定要黎見咗外科醫生，俾醫生檢查咗，先知道需唔需要割架。

男：你個外科醫生係男定女？我怕尷尬......

我：係男醫生。

男：雖然係男人啫，但我都覺得好尷尬喎！

我：你放心，呢位醫生處理過好多同類型嘅case，好有經驗，你唔駛怕尷尬。

男：到時佢會唔會用手掂我？

我：有需要時或者要用手檢查。

男：吓？即係我要除褲？

我：有咁嘅可能性。

男：咁佢進行檢查時，我要點樣做？

我：我唔係好明白你嘅意思......

男：即係呢，我到時要企？要坐？還是好似婦科檢查咁瞓喺度擘開腳俾佢睇？

我：因為我唔係醫護人員，我地只可以幫病人解答一D好general嘅問題，實際檢查方法要醫生先知道架。

男：(開始發火) 我問親你乜都唔知，你到底係咪姑娘黎架？

我：我唔係姑娘......

男：(打斷我嘅話柄) 你唔係姑娘，咁你係阿嬸呀？你做乜同我講咁耐野？

(我心諗，其實我都唔想同你講咁耐，係你死都要問落去咋！)

我：先生，我唔係阿嬸。其實我之前都同你講過，我唔係醫護人員，所以我地只可以建議你親自來見醫生先知道你嘅情況......

男：你個仆街！乜X野都唔知、唔識，浪費我咁多時間！kljhglfkjaeh&^$%*&^&^

我叫佢冷靜D，但佢已經完全失控，不斷用粗口問候我，仲語無論次，咁我只好收佢線。點知過咗幾秒，佢又打返來......

男：你個仆街冚家鏟！咁多人死，唔見你死！

跟住佢自己cut線。

嗰一刻，我真心想同佢講：先生，你唔駛割包皮啦！你不如成抽切啦！