真人真事都幾得人驚

tissss

咁我個朋友一行三人去泰國旅行,咁其中一個人分配唔到房間,就要同個導遊同一間房.
咁佢地開房門果陣時,身為導遊當然知道D『入房前既禮儀』.佢地一打開門,個導遊就企定左o係個門口度, 鬱都唔鬱,咁同佢同房果個唔理得咁多,因為太累所以就沖左入廁所沖涼.到佢沖完涼出唻,
個導遊就即刻捉住佢走左去大堂話要換房,個同房知一定有事, 但係唔敢問.

到第二日, 個導遊就同佢講........
『昨晚開左門之後, (因為一開門通常都會見到床尾, 同埋一塊大鏡)
就見到有個女人坐左o係床尾度梳緊頭, 想叫你轉身走, 但係你就沖左入廁所,叫都叫唔切, 咁都無計啦, 唯有扮睇唔到走入去執野. 將所有野放左入衣櫥之後,拎轉頭, 個女人已經唔o係房入面, 咁我就以為無事,行去床度開電視睇, 睇左一陣,又見到個女人o係大門口度一步一步咁行緊埋我身邊, 咁都無辦法啦, 又要扮睇唔到,點知佢越行越埋, 行到去我面前仲同我講左一句野, 我好驚,所以你一出唻我就即刻拉住你一齊走囉!!!』

咁大傢估唔估到隻女鬼同個導遊講左句乜丫???????????
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
隻女鬼用泰文同佢講『我~唔~信~你~睇~我~唔~到』

xiao丸子

謝謝樓主啊！

Essi

文筆流暢，修辭得體，深得魏晉諸朝遺風，更將唐風宋骨發揚得入木三分，能在有生之年看見樓主的這個帖子。實在是我三生之幸啊。