查看: 132|回復: 13

亂搬龍門：我討厭政治...好！咁我就講足球與民生！ [複製鏈接]

ckpole

Youth II

Rank: 6 Rank: 6

好友: 0
帖子: 5515
積分: 10968
最後登錄: 2018-7-19
在線時間: 0 小時

電梯直達

樓主

發表於 2014-10-8 21:24:28 |只看該作者 |倒序瀏覽

鄰近地區獨特國情我唔識，但係你放一大班一簽多行黎香港踢波，令本身已經非常緊張既街場負荷雪上加霜，搞到我地班業餘街場友更難穩場踢波，咁情況我有資格講兩句未？又關唔關政治決策事？近日香港因為雨傘革命（遮打革命）鬧得火熱，很多人因此而與家人朋友反目，FACEBOOK UNFRIEND處處，從前以「我討厭政治」自居的香港人不少都打破沉默，為公義伸張而走到街頭。老老竇竇，筆者本身已是熱血社運份子，當外面血雨腥風之時，我暫時都無咩心機踢波住。近日無論在街頭、FACEBOOK都經常聽到一個論調：「你要表達訴求，點解要阻住條街？阻住人生活？點解唔可以去佔領維園咁上下地方？」好！我都好討厭敢治，我就同你班HIHI講民生！
首先，我想突破一個盲點先，這次雨傘革命（遮打革命）並非為了「表達訴求」，我相信政改咨詢前前後後多個月，香港市民的訴求一早已經好清楚，然則香港和中國政府盡顯漠視民意的本質，咁情況之下，仲有咩好傾？大哥，我都好想傾呀，但向來和理非非的香港人遊完行散水和平「表達訴求」咁多年得到啲咩？傾左咁多年都得個吉，你仲相信事情可靠協商解決？同一個獨裁政權講民主尤如向回教徒要求清真寺內食豬肉，我地都唔想走到呢一步，所以我地首先唔可以否認一點，就係今次運動並非「表達訴求」，而是迫令當權者妥協，不需要否定這目標。

好喇，足球應該同政治分開？唔好傻啦！如果唔理政治，你連波都無得踢呀！香港人唔好失憶，還記得上個月《深圳晚報》的一篇報道嗎？事源於深圳市中心最大足球場－「展鵬足球場」的關閉，根據鄰近地區政府規劃，拆除的原因是為了興建兩幢商業大樓，而同時當地近年亦因SO CALL「發展」，而最少拆掉8個足球場，因此《深圳晚報》便詳細介紹赴港踢波的好處，包括香港免費街場有191個呀，就算要收錢都比深圳平十六分一等等。咁我想問，呢類城市發展政策的傾斜，漠視了城市大眾對康體設施的需要，呢一D係唔係政治？如果一個地方政府是通過民主選舉產生，自然需要向人民負責，發展時要細心考慮各方面的平衡，而非單純特權階級的利益，就算要拆，都是得到民意受權，人民不滿意，下次可以唔選佢。但問題係，而家佢地D人民無得選擇呀！佢地唔係反政府，只係想放工踢場波既機會都無呀，因為佢地個政府係唔需要向民意負責，所以先咁為所欲為！同我地梁匪振英既行政方式本質上毫無分別，佢好少少都不過係由1,200個既得利益者組成既選舉委員會選出，所以佢從來都只需要PLEASE中國政府同呢班既得利益者，而唔係全港市民！但我地又無權做到政權更替，用民主選擇既方法說不，就算而家呢個「袋住先」方案，候選人都只會係中國政府認可既傀儡，所以結果都會係一樣，政府政策首要照顧的依然不會是我們，因為我們根本無辦法用選票趕走不受民意認受的領袖。
OK FINE，井水不犯河水，鄰近地區獨特國情我唔識，但係你放一大班一簽多行黎香港踢波，令本身已經非常緊張既街場負荷雪上加霜，搞到我地班業餘街場友更難穩場踢波，咁情況我有資格講兩句未？又關唔關政治決策事？今年康文署管理康體設施的總開支預算為32億2千2百多萬元，平均每個納稅人消費$448.2，加上2013年本地運動場使用率達99%、人造草地足球場73%、天然草地足球場更加是100%！而家我地香港波友因為鄰近地區既政策，無啦啦要硬食無上限既自由行佔領納稅人有份比錢既社會資源？呢D又係唔係政治？本來香港人消費既商店已經比藥房、化妝品店、金舖等等佔領；泳池、醫院、學位、奶粉、街道、球場等等又比中國人佔領埋；連民意、自由、公義都要比梁匪振英為首的港共政權佔領。如果你咁都接受到，咁點解而家香港人只係奪回本來就屬於全香港市民使用的街道作為脅迫籌碼，又唔見你地D反論者學蘇感動咁講：「包容是解決問題既最好辦法？」
好喇，我份人好鬼自私，你D反論者可以話示威者剝奪佢地使用道路既權利，點解唔可以去佔領維園呢D地方示威？咁我又可唔可以話，你又知唔知維園嗰撻示威地其實係好幾個足球場，好多人BOOK左去踢波比賽？FOOTBALL IS MY LIFE，點解你地又會認為剝奪我踢波既權利就唔係一回事呀？唔好再欺騙自己喇，生活間由你呼吸既每一口氣是否清新、喝的每口水是否潔淨，全部都是政治的成果。政治是一隻鬼，你唔搞佢，佢都會搞到你。就當你唔了解而家街上面D年輕人爭取既普選同公義係咩都好，咁起碼佢地間接都係幫緊你保住放工踢波既權利，唔會無啦啦球場被拆、或者比被無上限的鄰近地區波友佔領曬D球場，夠未？