DaDa退出幕前 [複製鏈接]

runrunscooter

Adult

好友: 0
帖子: 132401
積分: 140276
最後登錄: 2019-2-28
在線時間: 0 小時

電梯直達

樓主

發表於 2013-8-9 14:23:02 |只看該作者 |倒序瀏覽

DaDa退出幕前

DaDa退出幕前 - 【DaDa陳靜退出娛樂圈】人言可畏壓力大微博宣布退出幕前現年24歲嘅陳靜（DaDa）早前憑彭浩翔導演嘅電影《低俗喜劇》奪得金像獎最佳女配角，早前就自言壓力大、萌生過退出嘅念頭。今晚10點喺微博留言：「生活好累，人言可畏。壓力，痛苦，總是一起來。家庭、情緒、健康和感情問題，讓我下了這決定..我要退出幕前演員工作，回到原來的生活，我只不過是個平凡人，就讓我過平凡的生活吧。謝謝大家一路以來的支持，感恩。」

DaDa嘅經理人施念慈接受電話訪問時，表示一直聯絡唔到DaDa，似乎對此全不知情：「等我上微博睇下先。」至截稿仍未有回覆。

此外，DaDa原定明日聯同一班師妹，到銅鑼灣出席cafe活動，不過因為施念慈一直聯絡唔到佢，所以明日個活動應會甩底。

DaDa退出幕前 - 昨日才去《夜蒲3》被指杯葛師妹擺款昨日下午還現身中環，出席錢國偉新片《喜愛夜蒲3》開鏡拜神儀式，當時DaDa同一眾女星包括雨僑、夏尉喻（Barbie）、文凱玲（Connie）、蕭美卡及郭穎兒等瞓身谷胸配合宣傳，亦未見異樣。因為DaDa噚日再展示密封已久嘅事業線，令人大為驚嘆，亦成功大搶風頭，當時並無異樣，估唔到今晚忽然就話退出。

噚日記招上，DaDa同眾性感女似乎交流不多。做訪問時，本來大會9安排同一公司嘅DaDa、Celia同Mika一齊做訪問，期間DaDa忽然話三個人太多，要求佢自己同Celia做訪問先，疑似杯葛Mka。之後Mika死撐話唔覺被師姐杯葛。加上DaDa被發現體形發福不少，佢自己都話發福脹咗8磅，未知DaDa所指的「人言可畏」同壓力是否與此有關。

DaDa退出幕前 - 「戲中好友」雨僑有疑問：被黑客入侵了？陳靜（DaDa）今午先喺微博失驚無神爆咗句「心灰意冷」，都feel到有啲事，點知到咗夜晚，DaDa就再更新微博，突然宣佈因為家庭﹑情緒﹑健康及感情問題，令佢下咗一個重大決定，就係要退出幕前演員工作，做返個平凡人。

DaDa呢個決定令唔少圈中人﹑網民及粉絲大感愕然及震驚，不停問點解要咁做？有人仲估佢微博係咪遭黑客入侵。

就連噚日同DaDa有份出席《喜愛夜蒲3》記者會嘅雨僑，都有呢個疑問，佢喺微博留言寫道：「我希望你不是被黑客入侵了，就是開玩笑吧！才不准呢！我還期待著這次合作的！！我戲中最好的朋友！」咦，戲中最好嘅朋友？？咁現實生活中呢？？