查看: 201|回復: 16

亂搬龍門：搵老豆偷師！做最霸氣的業餘足球團隊！ [複製鏈接]

北極蝦

Adult

好友: 0
帖子: 130553
積分: 135811
最後登錄: 2019-2-28
在線時間: 0 小時

電梯直達

樓主

發表於 2014-10-29 16:05:59 |只看該作者 |倒序瀏覽

車路士的訓練基地為COBHAM TRAINING CENTRE，離位於FULHAM區的史丹福橋球隊大約半個鐘車啦，同好多英超球會一樣，入面廿X幾個真草球場就基本野喇！一支偉大球會的建立，總需要向各方面不停學習，港島三箭也不例外，由開LEAGUE至今經過兩輪比賽和一個大學校友的盃賽，球隊都「交足學費」！為咗扭轉局面，作為球會的領隊，無計，一定要自己充實下、學習下其他偉大球會賴以成功的因素，於是我唯有走訪一轉英格蘭，去車路士搵「老豆」摩連奴學下野啦。因此，球隊終於！終於！終於！迎來聯賽（加上各系列比賽）的首兩場勝仗！分別贏2-0和9-0！有啲苦盡甘來的感覺⋯⋯今次就講下我在車路士的見聞，作為一支業餘球隊，呢兩場勝仗真係得來不易呀吓！
1)訓練場

車路士的訓練基地為COBHAM TRAINING CENTRE，離位於FULHAM區的史丹福橋球隊大約半個鐘車啦，同好多英超球會一樣，入面廿X幾個真草球場就基本野喇！好似上圖咁，係車路士青年軍比賽專用既球場，你無睇錯！係青～年～軍～咋～有曬專人打理草地，旁邊仲有一個細細地既鐵籠場，FOR青年軍訓練後自行加操，訓練球感、射門觸角WHAT EVER，只要係青年軍想令自己的球技進一步提升，球會內的設施都會無限開放予他們使用，想踢幾耐就幾耐，最怕你唔夠克苦訓練，唔怕踢到11點熄燈，正呀喂！
COMPARE返我地港島三箭，WELL～ACTUALLY呢～我地通常都以維園作為「訓練基地」既～～入面，嗯～都有十幾個硬地球場咁囉，但通常都比人BOOK曬，跟隊等入場多過踢，SO SAD！
2)球衣

每場比賽之前，老豆摩連奴都會草擬一份出場球員列表，交予COBHAM CENTRE入面一個負責比賽裝備的暗角，入面既職員不會拳打腳踢，而是落手落腳準備好印上落場球員名字的球衣，場場都換，單單呢一啲細節，就知道一個世界級的聯賽，係需要好多好多人合作統籌，每個環節都不能出錯，才令各地球迷都能得到連場精彩的視覺享受。
我地三箭仔呢？身為領隊，好多時唔到開賽前嗰刻都草擬唔到球員名單，所以球衣呢PART又學唔到喇。好彩！我地好榮幸地得到adidas的球衣贊助！無得場場換，但能夠有國際大型體育品牌BACK UP，講真，一支業餘街場LEAGUE球隊做到呢點，仲想點呀！！！
3)承傳

史丹福橋建於1877年，基本結構形態則於1905年完成，百年來幾代車迷集結都在這裡見證著球隊的高低起伏、悲喜與共。參觀了車路輕的球會博物館，其中一PART令我印象深刻的展區，是一個小影院，播放著一套關於不同車路士球迷小故事的紀錄短片，其中一段，記者訪問一個車迷：「為什麼你會喜歡車路士？」；「因為我細細個爸爸已經帶我入場看車路士。」；「那為什麼你爸爸會喜歡車路士？」；「因為我爺爺在佢小時候已經帶佢入場。」這就是一支球隊的承傳！喜歡一支球隊，並不一定需要什麼偉大球星、高超球技、卓越成績，也可是基於回憶、信念、地區歸屬感等等等等。英國的車路士球迷說喜歡一支球隊是一件終生的大事，很多時都取決於身邊社區和家人的氛圍，亦往往這一班人，才是最入骨入血的死忠，是一支球隊最珍貴的資產，球迷與球隊互動地建立了獨特的球會文化，定下了球會日後對外擴張時的形象。可見「承傳」這一個環節，是一支球隊形象吸引與否的基礎，也就是它的「性格特色」，建立之需要結合多方面因素。比賽成績尚可親手爭取，但形象卻並非完全掌握在自己的控制之中。
港島三箭成立於今年⋯⋯7月⋯⋯球迷基礎有⋯⋯各位球員帶來球場迫佢睇波的女友，年齡層上至維園阿伯七老八十，下至我剛剛八個月大既女，嗯⋯⋯個定位都OK吖⋯⋯

4)球員

由於我地兩閘位置不穩，師傅摩連奴見我在聯賽咁鬼危危乎，所以我未提出針對地簽入新球員充實陣容既希望囉，無咩既，佢老人家又好人史，借左菲臘比·路爾斯同艾斯派古達一左一右過我頂住，希望喺香港既業餘街場LEAGUE夠用咁話～
好喇，夢就發完，入返正題。好多人接觸球星既最常見途徑，不外乎電視比賽直播同節目，或者網絡、報紙上既新聞消息，總感覺普通人同國際球星之間有一段只能遠觀的距離，或只能從球場上的表現，去推斷一個球員的性格。其實有無諗過，比到盡啲球星大多數都不過廿幾三十歲，其實同好多後生仔一樣，未大細路一個，邊鬼度下下好似球場上咁勇悍剛烈，連行左出球場都打仗咁咩。我因為工作關於接觸到好多國際球星，絕多數都NICE到爆炸(當然都有個別係例外既，名我就唔提喇)，我甚至試過同「人中呂布」伊巴謙莫域都直接交過手，而感覺係「其實佢都幾FRIENDLY吖，點解啲報道都針住話佢囂屎？」既時候，我就知道，其實好像所謂「球星形象」，都係被某啲傳媒煲出黎既。友善的球星當然亦包括菲臘比·路爾斯同艾斯派古達，同佢地傾計全程有講有笑，同一個普通外國朋友交流既感覺無咩分別，無話啲「哼！我大球星，洗應聘你？」既態度（重申：咁事實上我又真係遇過一啲咁囂屎既「球猩」既，不過真係極極少數）。題外話，唔講唔知，菲臘比·路爾斯最鍾意彈結他同打機，唔係《FIFA》，而係《CALL OF DUTY》。球星生活都唔係想像中咁神秘，個個都燈紅酒綠，其實未又係同各位一樣，佢地不過係一班好波啲同搵到好X多錢既大細路。

由此可見，謙虛有禮，尊重所有人，是一名好球員的必要條件，要記得當連英超球星都咁親切，唔會因為自己好波而目中無人既時候，各位街場既老友，豈可憑一時之上風和勝利，而看低任何對手呢？港島三箭亦一樣，不論輸贏，我們每次都會在比賽後與對手握手，感謝大家互相賜教，這是一場搏奕，並非生死搏命，球賽結束之後，我們可以做朋友，以足球作開端結識更多不同層面的志趣相投。尊重對手，才是尊重自己與足球的正確態度。
5)一個串咀的領隊

老老竇竇，真係未見過有邊位球會領隊勁得過摩連奴，啫係唔講啲咩學院派、非職業球員出身，卻在近十年間從一個NO BODY變成一個在國際球呼風喚雨的巨人呢啲野。單從摩連奴喺車路士官方球迷商品店度特登有一條LINE全部都係佢既商品就知，痴孖筋！當連隊內球星都未有1:1紙版公仔賣既時候，佢竟然有！？我真心好好奇到底有咩人會買黎放喺屋企？當你可以做到佢咁：「高傲，但係宅心仁厚；低調，但係受萬人景仰」既時候，串咀都係抵佢既。而且，據說摩連奴之所以咁串咀，其實係為左轉移左傳媒對球員既視線，「有咩野想講有咩位想入，穩我！」，令球員可以專心踢波打出好成績就得，結果佢帶出黎既球隊係點自己WIKI下。所以摩連奴在隊內跟球員的關係，更像一班兄弟而非將帥，這才是一個領隊應負的責任。

所以，作為一個領隊，處理好隊內關係同場上點兵其實同樣重要，是好成績的關鍵。但由於我仲未帶三箭攞到啲咩成績，所以都係算喇，坐下史丹福橋主場席前排第二個位（摩連奴專座）扮下野算數。