有新界鄉委爆內幕，指飯局於上月初約定，出面聯絡的是上海仔一名活躍元朗的社團兄弟，「我哋都知飯局有梁營嘅人，同選舉有關，發叔（新界鄉議局主席劉皇發）無落柯打唔俾去，我哋成班兄弟去聽吓梁營班人有咩講。」飯局席設一間有三張枱的大房，近牆角的一張麻雀枱有四名街坊竹戰，另一張枱沒有人，近門的大圓枱坐了梁營核心成員羅范椒芬、劉炳章、鄧淑德及劉夢熊，還有上海仔。
羅范椒芬等人向七名鄉委派了卡片，羅太之後與劉夢熊唱雙簧般狂讚梁振英，上海仔沒發一言，「羅范椒芬話，佢認識嘅梁振英好正人君子，好有理念，對新界有發展計劃。」又說：「梁營嘅人話《基本法》列明條維護新界人傳統權益，梁振英有出力」。
幾名鄉委即時激動質問劉夢熊，若梁振英關心新界人，為何從不出席新界的鄉事活動，「劉夢熊護主話梁生忙啫，佢同羅范話再搵日拜會我哋。」鄉委又關心梁對新界僭建的取態，羅太支吾以對。
兩個鐘飯局接近尾聲，鄉委說羅范椒芬與劉夢熊放下當晚屬「自己份」的飯錢後先行離開，這餐約四千元鮑魚海鮮宴的尾數是梁營、上海仔還是鄉事派結賬？侯志強說：「我哋鄉事派冇畀到錢。」 
據了解中央近日密切注視「黑金政治」風波發展，有泛民中人稱，唐英年及民主黨昨日先後向警方及廉政公署舉報有黑社會介入選舉，中央已即時有「中間人」來電查詢事件，「佢哋想知警方同廉政公署介入調查，會有幾大影響，又想知究竟傳媒有關報道有幾真實，佢哋好擔心會對特首選舉再做成衝擊」。
另一名政界中人指，王光亞發表不滿抹黑的言論，就是想表明中央認為抹黑做法已過了「火位」，無法接受，希望建制派候選人及支持者收手，「中央立場係君子之爭，明白選舉有抹黑係冇辦法避免，但一定唔係搞到好似依家咁難睇」。不過該政界中人也指出，目前唐、梁兩營搏鬥，其實已陷於失控地步，「兩派積怨太深，怕且（中央）未必叫得住」，甚至會再一次搞亂中央對特首候選人的協調功夫，「就算現在中央想協調兩大陣營再團結，支持一名候選人，恐怕十分困難」。
《蘋果》記者
| 歡迎光臨 SAY討論區 (http://say.go2tutor.com/) | Powered by Discuz! X2 |