SAY討論區

標題: 亂搬龍門：腳？一對就夠！ [打印本頁]

作者: 蘇乞兒 時間: 2014-9-12 17:02:54 標題: 亂搬龍門：腳？一對就夠！

隊內搞手都好心急想練返好當日發現的某些問題，但現實係依然停留喺「理論階段」。無人出嚟唔緊要！好多事都唔可以強求，香港精神「穩食啫？犯法呀？」係大曬嘅！By PAKHUNG A.T
大家做開搞手約人踢波嘅都應該知道，約踢波，有時真係慘過擔泥。老老竇竇，唔去踢球而選擇其他活動嘅藉口真心恆河沙數，就算剛剛上星期聯賽開咧，港島三箭在陣容完整的情況下，發揮未如理想，更在完場前10秒被絕殺！慘失敗3分。隊內搞手都好心急想練返好當日發現的某些問題，想約人出嚟練吓波、跟吓隊、踢吓FRIENDLY咁，但現實係，比賽過咗一個星期喇，依然停留喺「理論階段」⋯⋯

無人出嚟唔緊要！我認為作為一支業餘足球團隊，好多事都唔可以強求，香港精神「穩食啫？犯法呀？」係大曬嘅。但自己，總唔能夠比自己停低嘅藉口，唔夠腳嘛，自己跑吓步練吓氣，做好自己先，都係一個辦法。

其實我唔係一個好好動嘅人，但我真係好怕唔迫自己運動吓會好易變肥變麻甩，所以過去幾年就算無踢波，但都KEEP住一得閒就跑吓步，跑跑吓仲會報啲渣打馬拉松呀、D咩10K呀，呢類比賽玩吓添。無辦法，當好難約齊腳之下，自己跑步就成為咗最便宜而方便地運動吓嘅方法。而且，其實練長跑其實對我地呢啲業餘LEVEL嘅波友真係好有用，因為講真大家有幾好技術，都應該一早就定咗型架喇，所以真係除非你好好路數，否則做一個「氣袋」，真係一個高下立見嘅分野。更最重要係，呢個年紀技術難練，但體能係有得練架！

曾經跟過一啲長跑教練練跑，佢哋認為踢慣足球的人不能好好地練長跑，原因是用氣方式不同。足球員講求爆發力，即停停走走，球來和走位的時候方要突然爆發，所以要足球員分配能量在一些長期反覆的作單一運動上，他們不會適應。但相反，我卻認為能夠練好長跑，反過來用在足球上，卻非常好用，單單講貼身的防守，這是很花氣力的一回事，但只要有氣力持續跑動地竄擾對手，保證對手覺得你煩過方丈。又同時，長跑訓練我唔係講緊落街不停地跑兩圈咁呀，係真係有策略嘅練習呀。

例如我曾經向香港3000米紀錄保持者陳家豪學下長跑時，先見識到嘅一種好常見嘅長跑訓練法（其實真係好常見，係我太無知啫），就係INTERVAL TRAINING（間歇跑），原理大約係重覆地喺一指定時間內跑完多段預設的距離，而且在跑與跑之間會作相應的慢跑，具體啲舉個例，一個1500米成績為3分40秒嘅跑手，就可重覆跑8次400米，每次約57至58秒，而每次400米中間就以3分鐘時間慢跑300米當為休息，以保證訓練的質量，保證非常甘！當然如果再仔細D嘅，仲應該計埋心率呢D因素入訓練計劃入面。但呢D就算喇，其實我都係想踢下波啫，唔好搞咁多。但總之如果你可以同自己練跑練到呢個LEVEL，我唔信你落到球場會無氣爆囉！

仲有一個問題，就係有人話長跑好傷腳，呢樣真，所以保養雙腳亦非常重要，唔係搞到有得跑無得踢仲慘。所以以我為例，首先我一定會帶KNEE SUPPORT同著COMPRESSION TIGHT，因為練跑時地下其實就好似一個錘仔反覆敲打你嘅關節咁，腿部肌肉又長期處於緊張狀態，好傷膝頭同好易拉傷，所以真係需要充分保護。

然後其實現今好多跑鞋都刻意針對保護關節呢個條件，舉個例－adidas BOOST，呢對鞋用一種叫BOOST嘅物料製作，彈力係普通跑鞋既4倍，超強SUPPORTING，加埋早前出左一款叫CC ROCKET BOOST嘅版本，鞋底有通風坑嘅設計，唔焗好啱香港著。雖然我個人覺得BOOST中底真係太軟，唔多鍾意用來參加跑步比賽，但對我哋啲業餘足球人嚟講，用來平日練跑同時可以保養雙腳，FOR未來長踢長先係皇道。

所以呢，唔夠腳練波係一回事，點分配自己對腳？你絕對可以話事。

作者: xdxd125 時間: 2014-9-12 19:56:33

我的idea，被樓主嫖竊了！

作者: andykom28 時間: 2014-9-12 19:59:31

努力,努力,再努力!!!!!!

作者: gaiful 時間: 2014-9-12 20:11:33

不錯的東西持續關注

作者: oh~my~gag 時間: 2014-9-12 20:23:26

要是文章和圖片能多一點，就好了

作者: appson 時間: 2014-9-12 22:37:15

我的idea，被樓主嫖竊了！

作者: runrunscooter 時間: 2014-9-13 02:46:45

這貼？不回都不行啊

作者: LMFAO 時間: 2014-9-13 04:26:49

這帖沒看過，來看看

作者: hillmen 時間: 2014-9-13 07:00:52

我十目一行也還是看不懂啊

作者: easonchan 時間: 2014-9-16 17:30:51

哈哈瞧你說的~~~

作者: alvinsiusiu 時間: 2014-9-18 05:40:41

遇到好論壇中的好帖子

作者: hkgordan 時間: 2014-9-20 08:01:32

哈哈,這麼多的人都回了,我敢不回嗎?趕快回一個,很好的,我喜歡

作者: plas_hoz 時間: 2014-9-20 21:27:23

這個好像在其他地方看過了

作者: 9394 時間: 2014-9-21 07:55:36

你加油吧

作者: vol1210 時間: 2014-9-22 04:43:35

回復一下

歡迎光臨 SAY討論區 (http://say.go2tutor.com/)