時事評論員劉銳紹指出，唐太無論是否按「劇本需要」開腔護唐，客觀效果只會令公眾認為唐英年第三次擺老婆上枱，「唐太唔可以呢個時候棄唐而去，或者覺得有需要企出嚟講幾句，雖然佢好值得大家同情，但係呢個局面都係唐英年一手造成」。他又指，唐英年一直對私生子問題閃縮，不敢面對現實，加上僭建風暴，支持者只剩下基本擁躉，「公眾認為佢唔想影響第三者只係為咗遮醜，家民望低到冇得再低，唐太幫佢塗脂抹粉，起唔到任何作用」。
當被主持人問及丈夫婚外情的次數時，唐太顯得有點錯愕，「次數都唔好數，或者我疏忽咗佢。佢一時間軟弱，我會明白嘅。佢係一個感情好豐富嘅人，呢幾十年係有行出過軌道，不過永遠都返嚟。我知道佢係終身愛我，已經好足夠」。
說到支持者對他們不離不棄，唐太即泣不成聲，「雖然咁多人挑剔你、鬧你，但係好多朋友同事都話，加油唔好放棄，唐生係最好。我知道邊啲係真朋友」。對於提名唐英年的選委陸續轉軚，唐太稱不熟政治，但認為丈夫很有胸襟，「人係有選擇，睇佢自己判斷力。我唐太永遠都支持我先生，就算佢話佢有幾多缺失，我覺得佢最有理想、最有包容、最有遠見去幫香港。佢唔係最叻，但係最有胸襟，唔會搞分裂，唔喺人哋背後講壞話，佢係一個君子」。
唐太又否認僭建一事被丈夫擺上枱，「唐生想保護我，一開始越講越亂。佢咁愛我而保護我，我好難過」。她再次公開道歉，希望公眾原諒，又認為丈夫很無辜，「每個屋企係避風塘，畀佢返嚟休息。點知避風塘變咗戰場，我好難過，非常後悔。有時坐喺度諗，點解自己咁貪心呢？」
唐英年昨出席論壇後，被問到報章刊登的私生女照片是否屬實時拒絕評論，「我講過好多次，我係唔會再進一步補充我以前講過嘅說話，因為牽涉第三者，係會影響第三者生活，我唔想再畀外界進一步影響佢哋」。被問到稍後會否公開私生子女身份，以釋除公眾對利益衝突的疑慮，唐英年自稱一向以公開、公平、公正的原則施政，並會繼續以此原則做事。
時事評論員劉銳紹指出，唐太無論是否按「劇本需要」開腔護唐，客觀效果只會令公眾認為唐英年第三次擺老婆上枱，「唐太唔可以呢個時候棄唐而去，或者覺得有需要企出嚟講幾句，雖然佢好值得大家同情，但係呢個局面都係唐英年一手造成」。他又指，唐英年一直對私生子問題閃縮，不敢面對現實，加上僭建風暴，支持者只剩下基本擁躉，「公眾認為佢唔想影響第三者只係為咗遮醜，家民望低到冇得再低，唐太幫佢塗脂抹粉，起唔到任何作用」。
郭妤淺同樣出身富裕家庭，父親是香港一代線王、金泰線廠的大老闆郭正達。郭妤淺曾就讀女拔萃書院，後到美國著名大學升學。郭妤淺看似小鳥依人，其實有硬淨一面，過往唐英年宴請政商界人士時，她談笑風生又「飲得」，被形容為稱職的女主人。及至唐英年參選，她更充當新聞官，每天搜羅有關丈夫的新聞，又不時參選會議。
郭妤淺昨在電台發表護夫論，不少網民讚好，說她表達能力較口窒窒的唐英年好，「講嘢有紋路，好過老公一百倍」。另有網民譏諷：「唐太，不如你代你老公出嚟選啦，你連唐唐呢條傻仔都可以包容到嘅，基本上冇乜難題可以難到你！」
郭家與半島針織的唐家是世交，兩家長輩有心撮合二人，早在郭妤淺 9歲時就介紹她給唐英年認識，二人青梅竹馬，郭從小就十分崇拜唐英年，可惜唐英年一直只當她妹妹般看待。唐英年在美國讀完書返港，即打理家族生意，傳聞他當時曾戀上針織廠的女工，事實上，他早年接受訪問時亦承認曾經有一個住公屋的女友。不過，唐英年的父母不接受女方的出身，棒打鴛鴦，唐英年最終屈服於長輩壓力下，與門當戶對的郭妤淺「相戀」。商界中人一直指唐、郭的婚姻只是為維繫兩大家族經濟及政治利益產物，故知情人士都認為唐英年出軌是可理解的，甚至有人同情唐的遭遇。《蘋果》記者
| 歡迎光臨 SAY討論區 (http://say.go2tutor.com/) | Powered by Discuz! X2 |