SAY討論區

標題: 30度熱辣辣海鮮BBQ @紅梅谷燒烤場 [打印本頁]

作者: bobodragon2001 時間: 2012-5-10 03:42:55 標題: 30度熱辣辣海鮮BBQ @紅梅谷燒烤場

其實近呢半年去左紅梅谷BBQ都有十數次，今日終於扚起心肝寫番個紀錄﹗

以前去燒烤鍾意去任食場，不過近年去過好幾次不同燒烤場既食物同質素都麻麻，於是我地決定自己兩隻友去郊野公園燒野食﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/4/l/fxFRQqFnBbuBDVl9ddZazA.jpg" border="0" alt="" />

其實過程也不是太麻煩，1:00pm去到沙田街市買餸，不多人，買海鮮個阿姐仲同我傾左成個字。

最後佢話熟客 4隻蟶子、2隻大扇貝、2隻大花竹蝦再加多2隻小海蝦﹗$100﹗呵呵﹗超抵呢﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/7/l/_rIYsZ.UxTRSjglUGoR3JQ.jpg" border="0" alt="" />

在沙田新城市出發，打的唔洗$30就到紅梅谷燒烤場喇﹗好方便﹗

星期日香港既燒烤場，好多都俾放假既外籍傭工佔領﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/8/l/JZuDcPcTxrsXohKqK6LD8A.jpg" border="0" alt="" />

根據我自己經驗就3:30pm左右到達，開始有數批早上已開始燒烤的會離開，最易霸爐﹗

紅梅谷我估都有幾十個爐，地方大，空曠，來過十多次都未試過霸唔到，不過有時人多要坐山頂的去廁所就不太方便﹗

今日這個位置很好，落兩條小樓梯就可以去洗手間喇﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/5/l/GXvPiy9h78iMfN1wbYtLLw.jpg" border="0" alt="" />

這個燒烤網在吉之島$12店買的，就係$12，用完之後帶番屋企在廁所刷幾野就可以循環再用好多次瞭﹗比起買那些又薄又軟的網，更加環保﹗

先來番轉燒雞翼先﹗雞翼在沙田街市買，十分入味﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/9/l/uaITzaYT96ZzgdeIdfCaLQ.jpg" border="0" alt="" />

呵呵﹗好似燶左少少，也算很美味呢﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/10/l/fZhtkeVQu8G.6nyfRmsesQ.jpg" border="0" alt="" />

燒蟶子，塗上蒜蓉，最後加上香蔥﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/11/l/yjTeDvZ6SphrJdByWdYQwQ.jpg" border="0" alt="" />

燒一陣就搞掂，新鮮極彈牙鮮甜﹗美味呢﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/12/l/Vw4hSYvt79sJ3ip3oOETWw.jpg" border="0" alt="" />

買完餸回傢已整定雜菜包，雜菇、椰菜加入牛油、蒜蓉及辣椒﹗

放在燒烤爐上十五分鐘，食得﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/13/l/Hrdpn5c8JIC65FWCp8pTWA.jpg" border="0" alt="" />

小海蝦與大蜆﹗

大蜆今日街市價位，是$28斤﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/14/l/M8VTcpj57nZ2OKbK4u.FCw.jpg" border="0" alt="" />

烤五分鐘左右就開口，加入蒜蓉及香蔥至快乾水，食得﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/15/l/jou4ixftDdLJi3O4HbKfQQ.jpg" border="0" alt="" />

又搞掂﹗開餐﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/16/l/R4dciBZ67LV0ok2wFEozoQ.jpg" border="0" alt="" />

第一次在燒烤食品店試這個豬棒骨，豬肉關係又厚身要烤得耐一點﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/17/l/GFkXbMjKIMe3Fk8LKoqsmQ.jpg" border="0" alt="" />

醃得入味，唔羶，啖啖肉很香口﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/18/l/.jtmySXh8ksJxbuS7tDnQg.jpg" border="0" alt="" />

大扇貝是燒烤必吃的吧﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/19/l/LYR6FPz9h9x_ZVWBkPAqAg.jpg" border="0" alt="" />

而傢街市買海鮮，好多地方都願意幫你洗好哂，真係返到屋企咩都唔洗搞就可以出發﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/68/l/fQ2p0LmFVbwluxYBb.UO2Q.jpg" border="0" alt="" />

最美味的是巨花竹蝦﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/69/l/q5VTf7htWWXu0AwY9YTvsg.jpg" border="0" alt="" />

肉質極彈牙，蝦味香濃，非一般海蝦可吃到這美味呢﹗

可以整到個大既蝦心心呢﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/70/l/nsD1wnP9Bep9RuaIaiGjHA.jpg" border="0" alt="" />

我同食傢都好鍾意食錫紙薑蔥焗花甲，唔洗加蒜，隻用薑及蔥段吊一吊味，錫紙一打開，已聞到陣陣海鮮香呢﹗好好味架﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/71/l/U9PsK968SkRsLGltFDVRBA.jpg" border="0" alt="" />

香港郊野公園有個問題就係入夜之後好多地方都無燈，紅梅谷也一樣﹗入夜隻得兩支燈﹗

如果霸唔到低層的燒烤爐，入夜便會全黑，極不方便，所以也是歸傢的時候。

其實兩口子來燒烤不太為要好吃的，最主要都係趁放假出來行下，親親大自然，一路慢慢燒一路傾下計，也是挺浪漫的事呢﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/72/l/pcDwI5pX.pklsTTRHJxnRg.jpg" border="0" alt="" />

紅梅谷步行十分鐘就可以去到沙田隆亨村，今晚試瞭一傢叫糖妃的糖水，極正﹗一定要推介﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/73/l/YZuYXSPfN5CnrxMZmPY8tg.jpg" border="0" alt="" />

腐竹薏米蛋﹗

腐竹全溶化，入口綿滑啖啖香濃，薏米用料份量適中，最鍾意佢既糖水不會太甜，好正﹗

<img width="500" height="375" src="http://blog.yimg.com/3/RCW1nwh7s5.GETIoRqmFAHgn75F5xxaijZigbtvM6TXtHBubyBE4Og--/74/l/eIz3QviSB7gn4A9qaIdyqw.jpg" border="0" alt="" />

食傢的渣榨糖水﹗

下瞭椰汁花奶，極香滑，豆煲得夠腍，不似坊間得個料多，食傢吃完後話一定要品題，因為實在太好味﹗

計番條數大傢參考下:
海鮮$120
肉食$60
雜菜$20
炭加炭精$35
飲品$50

其實加埋都唔洗$300就可以玩成個下午，去燒烤場也要百幾蚊位吧﹗所以有時間，好建議大傢可以自己搞BBQ，那種感覺確不同﹗

我的網址:http://hk.myblog.yahoo.com/smallsmalllin

Facebook齊齊飲飲食食: https://www.facebook.com/smallsmalllin

食店地址資料: http://smallsmalllin.openrice.com/
我的飲食微博: http://t.sina.com.cn/smallsmalllin
我的無朋友Google+ : <a href="mailto:[email protected]">[email protected]</a>

歡迎光臨 SAY討論區 (http://say.go2tutor.com/)