SAY討論區

標題: 令我又愛又恨既日本餐廳!!!! [打印本頁]

作者: bobodragon2001 時間: 2012-5-9 21:58:25 標題: 令我又愛又恨既日本餐廳!!!!

愛：佢既魚生真係好鬼正﹗我最鐘意食海膽、牡丹蝦、帶子、燒銀雪魚、冷烏冬。今次食咗3板海膽(因為有減價停唔到口)，不過今次無食銀雪魚，食咗青魚。其他我既最愛都有食，水準仍然很好﹗而傢有減價，我淨係叫曬啲減價item都夠曬喇﹗

恨：激鬼死既事﹗如果唔係答應咗朋友帶佢黎試既話，我已經發咗脾氣喇﹗我地訂咗4大1小共5人，一入去就比張4人枱我，我話唔想要，阿姐仲要好鬼串囉﹗話其他枱已經比人book曬，淨係得張min charge $800既枱 (不過講道理啲果句：其實果張枱既環境又真係最正同最靚)，但係﹗我覺得唔係食唔食得起$800既問題，而係我訂5人，你無枱比我係一件事，典解我要有min charge呢？不過唔知典解最後比返張6人枱我，態度仲唔知典解仲好咗添.... (古怪，唔通夠鐘就病發??突然間又會自動好返???)
餐廳位於銅鑼灣sogo對面，舊三越旁邊果個商場(唔記得叫咩名，因為一啲都唔起眼)6樓

歡迎光臨 SAY討論區 (http://say.go2tutor.com/)