盛女 vs 剩女

HOTSTUDIO阿蚊

曾經試過連續四年無拍拖，不過嗰四年真心覺得自己過得好精彩，
經常同朋友們聚會，而且亦好享受情緒唔會因為一個人而波動。
所以話，單身絕對可以過得很好，做一個懂得生活又正向的盛女沒有問題。
之不過咁，如果你係以下呢五類單身類型，就要注意咯！


1. 乾柴型：
性格好被動，每日淨係返工放工，連放假都唔去街，更遑論主動認識男生。

建議：
生活咁刻板，無趣味之餘，亦好可能會令你個人變得沉悶。
不妨發掘一下自己的興趣，無論係報讀瑜伽、學整蛋糕 / 陶瓷，參加一些tasting class，都可以擴闊你嘅社交圈子及見聞。
要知道，識多啲朋友，不論係男或女也好，都可以令你嘅生活有趣啲、充實啲，
咁你個人自然都會開朗啲、開心啲，而且男性朋友仲可以令你多瞭解男生的想法！


2. 幻想型：
同人隻係曖昧，從來都無開口問清楚大傢係咩關係，但自己一廂情願地認為對方係自己的男友。
一旦對方唔再同你曖昧，就覺得自己失戀。

建議：
終日沉醉於自己的幻想，唔單止無意思，仲阻礙你同真命天子發展戀情。
清醒啲，分清楚大傢係曖昧還是拍拖吧，要是真的不肯定，就問清楚對方，唔好一味自己「以為」係就係。
況且，真正into you 的男仔，唔會任由係曖眛的！


3. 老姑婆型：
心底裏勁想拍拖，但成日將男人彈得一文不值，把口成日話男人無個好，兼覺得佢哋襯你唔起。

建議：
問問自己，為甚麼經常將男人彈得一文不值？你咁樣，除咗唔會有男性想埋你身之外，亦好有可能因為你眼角太高，而錯過瞭一些好男人。
又問下自己，你是否透過「男人無個好」的思想，來令一直無人追的自己心好過點？
你要知道，沒有人是十全十美的（你自己都唔係啦），而且不能一竹篙打一船人。
你要學習多欣賞別人的優點，以及調節自己的想法。


4. 暗姣型：
成日以為人哋鍾意你，連人哋望住你後面，都會以為他望緊你。
把口話唔恨拍拖，單身無所謂，但係又暗放電。

建議：
成日誤會人哋對你有意思，對你嘅單身生活一啲幫助都無，仲分分鐘會令男生怕你誤會而唔敢同你做朋友，
所以呢，喺人哋對你有實際行動或者表白之前，都唔好妄下定論瞭。


5. 猴擒型：
叫曬所有朋友介紹男生俾你識，所有有異性的場合都施展渾身解數，而且發姣發到出面，表現極「猴擒」。

建議：
講真，如狼似虎嘅舉動，隻會將男人嚇走曬。
唔係叫你扮淑女，亦並非唔可以採取主動，隻係唔好表現得咁「狼死」，因為你咁樣，隻會令男人大叫驚驚。
仲有，當你叫人介紹男人俾你識，都應該揀選一些相熟及可信的朋友。
全天候發散叫人介紹，有機會令你形象受損之餘，分分鐘遇人不淑。




記住，單身並唔係一個問題，隻要你將自己嘅心態調節得好，唔好連自己都覺得自己係剩女，生活絕對可以過得好精彩!
而且當你處於一個適當嘅狀態，先可以隨時ready去迎接尚未來臨的美好事物嘛，right？

kinh9999

今天沒事來逛逛，看了一下，感覺相當的不錯。

kinh9999

終於看完了~~~

ILOVEU5

加油啊！！！！頂哦!!!!!支持樓主，支持你~