男女嗜好

HOTSTUDIO阿蚊

~轉貼

~Mr. Potato

「lin lin...」星期日下午一點, 女人來電~


「ARMM... 喂?」電話另一邊傳來男人打呵欠既聲音。


「未起身呀? 攪咩黎呀? 咁攰咁既?」女人關心地問。


「尋晚玩通頂! (通宵) 依傢仲訓緊...」男人係被窩中回答。


「玩咩呀? 要玩通宵? 識左第二個呀?」女人問。


「唔係, 去阿和屋企打機之嘛! 佢部LCD電視有成47吋, 用黎打機真係一流!

隻《三國無雙5》真係幾好玩呀!!! 今集d 畫質仲好左...」男人見女人有興趣問, 開始甦醒兼準備發表玩後感。


「... ... 癡線! 打機有乜好玩! 仲打通宵tim?? 咁你今日唔陪我行街架啦? 你咁眼訓!!」

女人妒忌中, 以為男人鍾意打機, 鍾意陪frd 多過佢。


「行街?? 但傢陣我真係好攰bor...」男人又再次合埋雙眼。


「叫你陪我, 你就嗌攰! 陪d frd 或者打機就可以打通宵都唔攰!」女人既妒忌同佔有欲開始表露出黎。


「小姐, 妳可以行街行五個鐘, 兩隻手都拎四袋衫, 再去salon set 頭set 五個鐘!

我打一晚通宵機都唔算過份je! 尋日星期六都已經陪左你成日啦~」男人開始反擊。


「我行街點同你打機喎! 而且我又冇通宵! 我買咁多野, 扮咁靚...

你估我比邊個睇??? 咪又係比妳睇!!!!! 衰人!」女人還擊。


「係咩? 事但啦... 我訓醒打比你~」男人沒好氣地講。


「你唔好諗住收我線呀! 我唔理, 你要起身陪我!」女人撒野中...


「陪你? 我訓左都唔夠四個鐘...」男人開始嬲。


「x&*%^f....」


下刪一千句男女互駡場面。

男人, 當然係我。而女人, 係我n 年前既某一個。

好多女仔都唔明, 男人點解咁鍾意打機;

但同樣地, 男人都會唔明, 女人點解咁鍾意shopping~

之但係... 箇中道理都係差唔多。

----------------------------

隨著年紀漸長, 愈來愈少機會同朋友通宵去玩樂, 剛過去既星期六, 算係一個異數。

原本向粟米小姐申請星期六晚去老友屋企  反  同摸酒杯底, 星期日晚再一齊睇賽車。

但當我一玩, 就已經係一個通宵喇~ (開心既日子, 總係唔覺攰既!)

早上八點幾返左屋企訓覺, 一覺訓到下晝四點。

粟米小姐忍唔住叫醒左我, 仲話:「四點喇! 仲唔起身... 陣間七點幾又話要去睇formula one...

今日星期日呀......唉! 我自己去街......」話中帶刺 + 嘮嘮叨叨。

經過粟米小姐一輪折磨之下, 我終於頂唔順, 醒左。

雖然換左女主角, 但好明顯每個女人係呢d 問題上既處理都差唔多。佢既不滿, 我明白。

係咁既情況下, 我點處理好呢? (照去睇賽車 定 陪老婆呢?)

最終, 我推左個約會。

「係咪認低威呢? 做左老婆奴? 無哂 guts?」

唔係guts 既問題, 係想個關係點既問題。

換個角度諗, 如果通宵既係佢... 我可能仲嬲tim~

多d 企係對方角度, 好多問題都唔會發生。

[ 本帖最後由  於 2010-12-06 03:25 PM 編輯 ]